Menydh rew, (iceberg yn Sowsnek hag a styr an keth tra yn ger chevisys dhyworth Iseldiryek), yw darn a rew dowr fresk gans hys moy ages 15m terrys dhyworth rewliv po estyllen rew hag a wra neuvella war dhowr sall. Darnow le a rew hag usi ow neuvella yw gelwys growlers ha bergy bits yn Sowsnek. Wosa kodhans an RMS Titanic yn 1912, an Patrol Rew Kesgwlasek a veu furvyes yn 1914. 90% a venydh rew yw yn-dann enep an dowr, ytho godros morek sevur yns i.

Klass rew, korf dowr, tra ow neuvella Edit this on Wikidata
Commons page Restrennow kelmys war Gemmyn Wikimedia

Yma varyans meur yn myns ha shap menydhyow rew. Menydhyow rew a dheu dhyworth rewlivow yn Greunland yn tipek yw shap avrewlys. Menydhyow rew dhyworth estyll rew yw shap bord dell yw usys. An menydh rew moyha yn istori, dhyworth Antarktika, a vusuryas 31,000 km2 (335km gans 97km) gwelys 240 km dhe'n west a Enys Scott y'n Keynvor Hebask gans USS Glacier 12 mis Du, 1956. An menydh rew ma o moy ages Pow Belg.