Mineral Point, Wisconsin, USA

Mineral Point (kw: Penn Moon) yw cita yn Konteth Iowa, Wisconsin, an Statys Unys. Furvyes veu an drevesigeth yn 1827, ha hi yw an tressa cita kottha Europek yn Wisconsin. 2,389 o an poblans yn 1860 ha 2,487 o an poblans erbynn 2010.  

Kemmyn o moon plomm y'n ranndir. Lies ynvroyas a dheuth a Gernow dhe Mineral Point. I a dhallathas gul balyow yn-dann dhor. Erbynn 1845, hanter pobel an cita o Kernewek. Herwydh an ‘Mineral Point Tribune’ (kw: Nowodhow Penn Moon) yn 1847, askorrys 43,800 peuns a blomm nowydh pub dydh.

Y’n bledhynnyow wosa hemma, askorrans a lehi. Trovys o owr yn Kaliforni yn 1848. 700 den eth dhe Galiforni dyworth Mineral Point dhe hwilas ragdho. Balyow zynk a dheuth dhe vos moy posek y’n bledhynnyow a-wosa.

Hedhyw, tornyaseth yw posek. Pendarvis yw le ertach gans nebes drehevyansow an ynvroysi. An tavern ‘Red Rooster’ (kw: an kulyek rudh) a dhyght pastiow kernewek ha figgy hobbin. Yma gwerthji royow kernewek war an penn stret, ‘High Street’.

Gevellys yw cita Mineral Point gans Rysrudh yn Kernow.

• 
  Chi Pendarvis
• 
  High Street (Stret Meur) Mineral Point
• 
  Commerce Street (Stret Kenwerth) gans baneryow Kernewek
• 
  An eglos Vethodek