Mosk Meur Gaza

Mosk Meur Gaza (Arabek جامع غزة الكبير, Jāmaʿ Ghazza al-Kabīr), aswonys avel Mosk Meur Omari maga ta, ew an mosk moyha ha kottha e'n Skethen Gaza, desedhys en cita goth Gaza, ryb an varghas owr en Stret Omar Mukhtar.

Mosk Meur Gaza

Sort	mosk
Fondys	5 century
Doronieth
Tyller	Al-Daraj
Konteth	Gaza
Gwlas	Palestin
Arenebedh	1,800 m²
Kesordnogyon	31.504°N 34.4644°E
Gis pensernethel	pennserneth islamek, Mamluk architecture, Norman architecture
Kryjyans/Hanwans	Islam
Devnydh	kurkar
Restrennow kelmys war Wikimedia Kemmyn

Istori

Gwreydh Fylystyn

Skeusen a ravyans menorah, 1873

Herwydh hwedhel hengovek, ma an mosk ow sevel war dhesedhans tempel Fylystyn derevys rag enora Dagon, duw frothuster. E'n Bibel Samson a dednas an tempel dhe'n dor en lever Breusysi. Woja hedna, y feu derevys tempel rag enora Marnas, duw an glaw ha greun. Herwydh henhwedhel leel, enkledhys ew Samson en-dadn an mosk.

Eglos Vesontin

Eglos veur Besontin a veu derevys gen Emperes Aelia Eudocia en 406 OK.

Mosk Moslem a-varr

Kort, rosvaow ha tourik an mosk, 19ves kanvledhen dhiwedhes

Talenep West an Mosk Meur ow tiskwedhes gis pednsernethel an Growsgasoryon ha distruyans an mosk woja tanbellena Bretennek en 1917

Gwres veu an eglos Vesontin rag bos mosk e'n 7ves kansvledhen gen pednhembrynkysi Omar ibn al-Khattab y'n Oos Rashidun. Hanow aral dhe'n mosk ew "al-Omari", rag enora Omar ibn al-Khattab neb o caliph (rewlyas) dres trygh Palesteyn gen an Moslemyon. En 985 OK, e'n Oos Abbasid, doronydh arabek, al-Muqaddasi a skrifas dell o an Mosk Meur pur deg. 5ves a vis Kevardhu, 1033, tour an mosk a godhas drefen dorgrys.

Eglos An Growsgasoryon

En 1149 an Growsgasoryon a dherevis eglos veur herwydh gorhebmyn Baldwin III a Jerusalem. En 1187 Saladin ha'n Ayyubidow a sesyas Gaza dhort an Growsgasoryon ha distrui an eglos.

Mosk Mamluk

E'n 13ves kansvledhen dasderevys veu an mosk, bes en 1260 e feu distruys gen an Mongols. E feu dasderevys arta, bes distruys veu gen dorgrys aral en 1294.

An Mamluks a'y dhasderevis arta erbydn 1340. En 1355 an doronydh arabek a vri, Ibn Battuta, a'y vysytyas ha skrifa y vos 'derevys en ta', ha'y vos 'mosk dy'Gwener teg'.

Oos Ottoman

Asteverys an mosk e'n 16ves kansvledhen. Shyndys veu an mosk en feur gen luyow Keffresys en Bresel Gensa an Bes en 1917.

Golok a'n mosk e'n 20ves kansvledhen a-varr, kens y asteveryans

Oos Bretennek

En-dadn dyghtyans mer Gaza, Said al-Shawa, astiverys veu an mosk gen an Kussul Moslem Gorughel en 1926-1927.

Woja 1948

An mosk e'n 1950ow po 1960ow

En Batel Gaza ytredh skoodhyansow Hamas ha Fatah, ledhys veu imam (pronter) pro-Hamas an mosk, Mohammed al-Rafati, gen gonoryon Fatah 12ves a vis Metheven 2007.

Korf kresek an mosk, ow mires ort an West, woja an tanbellenans Bretednek en 1917.

Ma an erthygel ma usya an Furv Skrifys Savonek a-barth Kernowek diwedhes.