Mosk Omar (Bethlem)
Mosk Omar (Arabekمسجد عمر Masjid Umar) ew an udnik mosk en cita goth Bethlem, Palestin. Desedhys ew war du west a Wari Presep, a-dreus an Gwari dhort Eglos an Nadelek.
 | |
| Sort |
mosk  |
|---|---|
| Henwys dhyworth |
Umar |
| Fondys |
1860 |
| Doronieth | |
| Konteth |
Bethlem |
| Gwlas |
Palestin |
| Kesordnogyon |
31.70446°N 35.2055°E |
 | |
Istori
golegiOos Islamek a-varr
golegiHenwys ew an mosk dhort Omar (Umar) ibn al-Khattab (c. 581–644), nessa caliph (rewlyas) Rashidun. Woja omsettyans Jerusalem (636–637 OK) Omar a dryhas an cita ha mos dhe Vethlem en 637 OK rag dyllo lagha dell wrussa mewghya revrons dhe'n grerva ha sawder dhe Gristonyon ha klogoryon. Peder bledhen hepken woja mernans an profos Islamek, Muhammad, Omar a bysis en teller lebma thew an mosk lebmyn.
Yaqut al-Hamawi (m. 1229) a lever fatel gemeras Caliph Omar kussul dhort managh Kristyon rag derevel mosk en derevyans gen rosvaow po haniyya, a-der chanjya Eglos an Nadelek dhe vos mosk. Teller an haniyya herwydh Yaqut ew ma feu enkleudhys meternedh an Bibel, Davyth ha Selevan. E'n 10ves kansvledhen a-varr Eutychius a Alexandria (877–940) a dheskrif dell ew an haniyya desedhys a-ji teller Kristyon, owth enebi an soth, hag etho gwiw dhe bysadow Moslem (qibla), hag a wra mencyon dell alowas Omar Moslemyon dhe beji e'n haniyya an eyl woja y gila heb tochya tra veth. Eutychius a grodhvolas dell dorras Moslemyon an rewl na. Bettegens, dres an bledhydnyow, an teller a dheuth mosk.
Mosk arnowydh en teller nowydh (1860)
golegiAn mosk a-lebmyn a veu derevys en 1860 war splatt res dhe'n acheson gen an eglos ewngryjyk grek, hag arnowytthes en 1955, pan era Jordan ow rewlya an cita. E'n termyn eus passyes, kebmyn o dhe Voslemyon ha Kristonyon palestinek en Bethlem profya olew rag enowi a-der dro'n mosk, dustuni a gesoberyans krejyk e'n cita.
Tynderow (2000ow)
golegiAn 20ves a vis Hwevrer, 2006, an Dalai Lama a lettyas y vysyt dhe'n mosk, en-dadn waskas gen governans China dhe'n Awtorita Kenedhelek Palestinek. En mis Hwevrel 2007, maynorieth diogeledh Ysrael (Shin Bet) a dhalghednas 20 a dus a veu lystys en kuhudhys rag bagas Hamas gen klorek Moslem en Mosk Omar. Bettegens, an mosk a veu hebask pan vysytyas Lewydh palestinek Mahmoud Abbas an jydh kens Nadelek, 2007.
Ma an erthygel ma usya an Furv Skrifys Savonek a-barth Kernowek diwedhes.