Mosk el-Jazzar
Mosk el-Jazzar (Arabek: مسجد الجزار, Masjid al-Jazzār; Ebrowek: מסגד אל-ג'זאר, Misgad al-G'zar), aswonys avel Mosk Gwynn maga ta, yw desedhys yn Stret el-Jazzar a-ji dhe'n cita koth Acre, gwel an Kresvor dhodho, ha henwys yw herwydh an rewlyas Ottoman Bosnian Ahmad Pasha el-Jazzar ("an Kigor").
 | |
| Ensampel a |
mosk  |
|---|---|
| Dalleth/Fondya |
1781 |
 | |
 Restrennow kelmys war Gemmyn Wikimedia | |
Istori
golegi
Mosk el-Jazzar o towl Ahmad Pasha el-Jazzar ha henwys herwydh ev. Trigys veu yn Acre hag ev rewlyas rannvroyow Sidon ha Damask. Ev a veu a vri dre'y oberow poblek marthus, ha wosa fetha Napoleon Bonaparte y'n Esedhva Acre yn 1799. El-Jazzar a worhemynnas drehevyans an mosk yn 1781 ha gorfennys veu a-ji dhe'n vledhen. Despit dh'y fowt adhyskans pennserneth, el-Jazzar a veu pennser an mosk hag ev a delinyas y dowl ha desin, ha gorweles y dhrehevyans tien.[1][2] An kompleth a gomprehendyas akademi duwonieth Islamek gans ostyans studhyoryon, lys Islamek ha lyverva boblek.[2] Drehevys veu an mosk rag porposys kryjyk, mes y vusurans meur hag offisys erel a veu mynnys gans el-Jazzar rag soledhe y laghelder politek avel rewlyas Syria. Ev a formyas an mosk herwydh moskow Istanbul, penncita ottomanek.[2]
Mosk el-Jazzar a veu drehevys war chiow pysi koth islamek ha kristonek, ha drehevyansow erel an Growskasoryon. Devnydh drehevyans rag an mosk, yn arbennek y varbel ha growan, a veu gemerys dhyworth an kryllasow koth Caesarea, Atlit hag Acre kresosel. El-Jazzar a arvethas nebes masons grek rag drehevya an mosk. Yma tughra po ungram war blasen rowan a-ji dhe'n yet, hanow an sodon, y das, warnodho ha'n tekst "pupprys budhek".
Yma ryb an mosk mawsoleom ha ynkladhva vyghan hag ynno bedhow Jazzar Pasha ha'y asvab hag er, Sulayman Pasha, ha'ga herens.
Pennserneth
golegiAn mosk yw ensampel bryntin a bennserneth ottomanek, hag a ynkorforas gisow Bysantek ha Persek. Nebes a'y nasyow an gwella yw an kromdo gwyrdh ha tourik, sabil gans kromdo ryb y rysyow (kiosk, drehevys gans Sodon Abdul Hamid II, rag ri dowr pik-pik yeyn ha diwosow) ha garth bras.
An mosk, hag a warthev linen ebron Acre, o henwys yn terowel Masjid al-Anwar ("Mosk Meur an Golowys") hag ev yw aswonnys avel an Mosk Gwynn wosa y gromdo arghanswynn a derlentra yn pelder meur. An kromdo yw payntyes gwyrdh hedhyw yn jydh. Yma grysfordh-troyllya dhe'n tourik, 124 grysyow dhedhi.
Sha'r an-Nabi
golegiAn mosk yw tre an Sha'r an-Nabi, blewen (po kudyn blew) barv an Profos Mahomm. An Sha'r an-Nabi a vedha diskwedhys yn keskerdhes a-dreus Acre dhe Eid al-Fitr, gorfen penys Ramadan, mes nyns yw diskwedhys saw dhe'n kuntellyans hedhyw yn jydh. An krer yw gwithys a-ji dhe'n mosk yn amari gweder desedhys yn mirva benenes an leur gwartha.[3][4]
Mirva
golegi-
Entrans dhe'n mosk, gans an sabil a-dhyghow dhe'n grysyow. -
Entrans dhe vosk el-Jazzar. -
Pervedh mosk el-Jazzar. -
Gwel pell. -
Mosk el-Jazzar. -
Mosk el-Jazzar.
_2008-01.jpg)
References
golegi
- ↑ Philipp 2001, p. 58.
- ↑ 2.0 2.1 2.2 Sharon 1997, p. 47.
- ↑ "News Brief". 22 May 1981. http://www.jta.org/1981/05/22/archive/the-al-jazzar-mosque-in-acre-built-in-1781.
- ↑ "Al-Jazzar Mosque Review - Haifa and the Northern Coast Israel - Sights | Fodor's Travel". http://www.fodors.com/world/africa-and-middle-east/israel/haifa-and-the-northern-coast/things-to-do/sights/reviews/al-jazzar-mosque-460314.