Movyans Krows Rudh ha Krommen Rudh Keswlasek

An Movyans Krows Rudh ha Krommen Rudh Keswlasek yw movyans dhe sawya bewnansow ha yeghes mab-den. Yma y bennplas yn Geneva, Swistir.

Kyn fo kowethas keswlasek bras, fenten brivedh a'n jeves. Nyns eus governans vyth ow tyghtya an Grows Rudh.

Yma soodh arbennek dhe'n Grows Rudh, res gans lagha keswlasek. Yth yw hi an bagas privedh unsel a's teves ober restrys gans lagha keswlasek.

Yma teyr farth y'n movyans:

Arwodh Kessedhek Keswlasek an Grows Rudh (yn Sowsnek, International Committee of the Red Cross, ytho ICRC)
  • Kessedhek Keswlasek an Grows Rudh (KKGR, yn Sowsnek an ICRC) a veu gwrys yn 1863 yn Geneva. Herwydh lagha keswlasek, y ober yw difres an bewnans ha dynita a fethesigow bresel.
  • An Keffrysyans a Gowethasow Krows rudh ha Krommen Rudh (KGKR, Sowsnek IFRC), a veu selys yn 1919. Yth assay surhe y hyll an Kowethasow Krows Rudh ha Krommen Rudh kesoberi war-barth ha restra danvonedhow gweres difres mar po goredhom meur. Yma pennplas Skrifenyasedh an Keffrysyans ynwedh yn Geneva, Swistir.
  • Yma kowethas Krows Rudh ha Krommen Rudh yn ogas pub kenedhel an bys. Aswonnys yw 186 Kowethas Kenedhlek an Grows Rudh ha Krommen Rudh gans an KKGR hag amyttys avel eseli dien an Keffrysyans. Yma pub huni ow kweythya yn y genedhel dre, ow sewya'n tybyansow a lagha dengerensedhek ha reythennow an Movyans keswlasek. Mars yw possybyl dhedha y hyll Kowethasow Kenedhlek omgemeres rag oberennow dengerensedhek ynwedhek nag yw reythys seulabrys yn tidro gans lagha dengerensedhek keswlasek po reythennow an Movyans keswlasek. Rag ensampel, an Kowethas Krows Rudh Bretennek a rester kerri klavji a vodhogyon yn hwarvosow poblek. Yma'n Grows Rudh Almaynek ow kweythya goosva ha gonis kerri klavji kowldermyn rag klavjiow.

An Grows Rudh, an Grommen Rudh, ha'n Gwrys Rudh yw tri arwodh keswlasek an Grows Rudh

Amkanow golegi

Herwydh an Akordyansow Geneva, yma pymp amkan rag movyansow keswlasek Krows Rudh ha Krommen Rudh:

  • Aspia war desedhans a barthow yn-dann vresel orth an Akordyansow Geneva
  • Dhe restra gwithans klevyon rag piwpynag a veu pystigys yn kas
  • Dhe worweles an dyghtyans a brisnoryon bresel ha'ga dyghtya
  • Dhe weres ow hwilas tus kellys yn bresel
  • Dhe restra gwithans a-barth dinasogyon
  • Dhe dhri kres yntra bagasow yn-dann vresel