Na h-Òganaich

Furvys veu an bagas ilow rokk gwerin Albanek a Glasgow Na h-Òganaich ('an yonkoryon' yn Albanek) a-varr yn 1971, wosa keskans yn Dunoon. Ena Margaret MacLeod (kaner gans medalen owr an Mod) a vetyas gitarydh Noel Eadie. Margaret a gampollas dhodho hy broder (Donnie MacLeod) dhe dhyski gitar, ytho yth ervirsons i furvya tryas rag kestrifa y'n Mod Kenedhlek Riel.

Y homendyas koweth a Enys Lewis, Donnie MacLean, rekordyansow Murdo Macfarlane dhedha. Prydydh a Melbost o Macfarlane, mes ny aswonnys o y ganow. Da o gansa gwreydhekter y ganow, ytho yth eth an tryas dhe'n Mod yn Stirling yn Mis Hedra 1971. Ena i a waynyas an kesstrif bagasow gwerin.

Yn 1972 i a berformyas onan a ganow Murdo (Mi le m' Uillinn) yn Killarney, Iwerdhon hag i a waynyas an Kesstrif Kanow Pan-Keltek. Wosa hemma, i a gevi keskanow dre'n Bys Keltek, yn Pow Sows, Kanada a Vreten Vyghan.

Ynter 1972 ha 1975 y hwrug an bagas rekordya tri kuntilow rag label Beltona Sword, rann a Decca Records.

Yn 1976 gelwys veu Na h-Òganaich dhe wul torn a'n Statys Unys, mes yth oberi Noel avel arethor kolji. Yth eth Margaret ha Donnie hebdho ytho, ow performya avel duo, ha wosa i dhe dhehweles dhe'n RU, y fesyens dhe wul y'n keth vaner, gans ilewydhyon keveylya.

An bagas gwreydhek re dhasformyas treweythyow, yn arbennik yn Fèis nan Còisir yn Stornoway hag yn Celtic Connections yn Glasgow (2007). Yma Margaret ow kana yn galwesik gans an ilewydh akordyon Billy Anderson. Yth eth Donnie MacLeod dhe vos presentyor war towlen bellwolok Albanek rag floghes Dotaman war BBC Scotland. Trigys yw Noel war Enys Lewis a-dhia 1978, owth oberi kepar ha dyskador.

Dyllansow Kuntilow golegi

Bledhen	Hanow	Label	Furv	Yeth
1973	The Great Gaelic Sound of Na h'Oganaich	Beltona Sword	vinyl	Albanek
1974	Gael Force 3	Beltona Sword	vinyl	Albanek, Sowsnek
1975	Scot Free	Beltona Sword	vinyl	Albanek, Sowsnek
2009	Gun Stad	Macmeanmna	vinyl, cidi	Albanek

Kanow golegi

Coisich, a rùin

Yma'n erthygel ma owth usya an Furv Skrifys Savonek a-barth Kernowek kres.