Olifans Celebes
Olifans Celebes yw lymnans lymnys gans Max Ernst, lymnor Surrealydh ha Dadaydh. Lymnys veu yn 1921.
| Ensampel a |
lymnans  |
|---|---|
| Gwrier |
Max Ernst |
| Gwlas |
Statys Unys |
| Dalleth/Fondya |
1921 |
| Tyller |
Tate Modern, Tate, Almayn |
| Perghennek |
Tate Modern, Tate |
Yma an imach ow kesunya ayrgylgh splann Surrealieth gans elvennow ‘collage’ Dadaieth.
Fog an lymnans yw olifans kowrek jynnweythorek, Rond yw gans pib kepar ha tron ow herdhya dhyworto. Selyes veu an korf krenn war skeusen Robert Schomburgk a atalgist gans teyr-garr gwrys a bri dhyworth gonisogeth Afrika west, an Konkomba. Yma an olifans Celebes ow kampolla ‘gravyans devosek ha totemek a wreydh afrikanek’, dell dhiskwedhir gans an peul kepar ha totem war an dhyghow ha kern tarow an olifans y honan. Yma an liwans ow kesunya imachys kevys hag elvennow gwelesek nag yw dhyworth gonisogethow an west.
Best Ernst a’n jeves torgh alkan krullys, ha penn po lost kernek. Yma an gorwel isel ow moghhe myns an best hag yma movyans an manikin heb penn ow komendya an form dhe’n mirer. Yma an manikin ow kwiska maneg surjegyl, arwodh kemmyn yn Surrealieth. Martesen yma kampollans mythologel dhe’n figur noth, ow kampolla denladrans Europa gans Zeus tollwiskys avel tarow. Y’n ebron wag yma dew bysk ow neyja war gledh (martesen an gwel yw yn-dann dowr), hag yma mog yn rann dhyghow an ebron. Martesen yma an re ma ow kampolla previans kas a gawsyas Ernst dhe skrifa, “war an 1a a vis Est Max Ernst a verwis. Dasserghys veu war an 11ves a vis Du 1918 avel den yonk gans an govenek dhe dhiskudha mythys y dermyn.
Celebes ytho yw portrayans a dhistruans.
Praga Celebes? Ernst a leveris dhe Roland Penrose bos an tiel Celebes (hanow an enys yn Indonesi kyns) derivys dhyworth rim mebyon skol Almaynek ow tochya seks.
|
Der Elefant von Celebes |
An olifans a Celebes |