Opera

Opera po 'gwari-kan' yw drama settys orth ilow gans pub tra kenys yn le kewsys.

Gwariva Mariinsky yw gwariva opera a vri yn Sen Pederburg

Dell usys, opera yw rennys yn dew, tri, peswar po martesen pymp rann. Aria yw kan yn opera rag kanor solo.

Eghennow a opera

Nyns eus ilow oll an termyn yn pub opera.

Opera meur yw opera gans pub tra settys orth ilow.

Opéra bouffe (Frynkek) po Opera buffa (Italek) yw opera didhanus. Nyns yw an hwedhel sad ha hwarthus yw.

Opéra comique yw lavar frynkek rag opera gans nebes gweryow kewsys. Opera kepar hag Carmen a yll bos trajedi keffrys hag opéra comique awos bos lavarow kewsys ynno.

Singspiel yw lavar Almayn rag eghen a opera gans meur a ilow hudel ha fantasi y'n hwedhel. Yth esa geryow kewsys ynter an kanow. Ensampel yw Magic Flute gans Mozart.

Operetta yw opera berr. Nyns yw sad ha dell usys yma nebes geryow kewsys.