Mejwas

Mejwesyon Efander menhesennow: Dewnek – lemmyn 370-0 Ma
Mejwas
Klassans bewoniethek
Gwlaskor:	Animalia
Isgwlaskor:	Eumetazoa
(anrenkys):	Bilateria
Ughfylum:	Ecdysozoa
Fylum:	Arthropoda
Isfylum:	Chelicerata
Klass:	Arachnida
Urdh:	Opiliones Sundevall, 1833
Isurdhow
Cyphophthalmi Eupnoi Dyspnoi Laniatores †Tetrophthalmi 6,650 eghen

Mejwas, (gorow Phalangium opilio), ow tiskwedhes an restrans kesunys a dorr ha cefalothoraks dell wra dedecernya mejwesyon dhyworth kevnis.

Golok ogas a'n garrow hir

Mejwesyon yw ethgarrogyon ow longya dhe'n klass Arachnida hag urdh Opiliones.

Re beu moy ages 6,400 eghen a vejwesyon diskudhys bys lemmyn, kyn hallo an niver ewn a eghennow bos moy ages 10,000. Diskudhes veu menhes gwithys yn ta dhyworth chert 400 milvil bloodh yn Alban. Aga semlant yw pur arnowydh, ha dell hevel ny wrug kesweyth mejwesyon chanjya meur a-dhia an termyn na. Pur gemyskys yw henwel mejwesyon yn Sowsnek, ha lies re wrug devnydh a'n hanow daddy long legs rag mejwesyon keffrys ha'n Tipulidae po crane flies. Harvestmen yw an term usys lemmyn.

Lies eghen yw olldhebroryon, dell yw usys, ow tybri hwesker munys, nebes plansow ha fongow. Re anedha yw debroryon skullyon.

Nyns yw mejwesyon peryllus dhe dus, ha nyns eus dhe eghen vytholl gwagren gwenon.

Anatomieth

An ethgarrogyon ma a's teves garrow pur hir, komparys dhe vyns an korf, kyn hwrello nebes eghennow garrow berr ekistya. Kesunys yw an dhew jif tregh korf (torr ha cefalothoraks). Dihaval dhe gevnis, nyns eus gwagrennow owrlin po gwenon dhedha. An nessa kopel a arrow yw hirra ages an remenans, owth oberi avel tavoryon.

An organ boosa (Stomotheca) yw dyffrans dhyworth ethgarrogyon erel, awos i dhe allos dybri temigow a voos, a-der bos res dhedha y dreylya dhe lilin. An brassa rann a eghennow a's teves kopel sengel a lagasow desedhys yn kres aga fennow. Nebes eghennow dall a ekist ynwedh.