Opisthocomidae

Hoatzin Efander menhesennow: Miocen – lebmyn 6–0 Ma
Hoatzin en Park Kenedhlek Manu en Perou]]
Klassans bewoniethek
Gwlaskor:	Animalia
Fylum:	Chordata
Klass:	Aves
Urdh:	Opisthocomiformes
Teylu:	Opisthocomidae
Kinda:	Opisthocomus
Ehen:	O. hoazin
Hanow dewhenwek
Opisthocomus hoazin (Muller, 1776)
Gwrandrans an hoatzin

An hoatzin, (Opisthocomus hoazin), ew ehen a edhen drovadnek kevys en gwern, kosow war ladnow ryver ha mangrovys en dowrgelghow an Amason hag Orinoco en Amerika Dhyhow. Meur ew y hanow drefen bos dh'y ydhnigow krabanow war vesies aga eskelli.

Taksonomieth

Hebm ew an udnik esel a'n kinda Opisthocomus (Hen Greka: "gols hir a-dryv", ow kampolla hy hrib bras), an udnik kinda e'n teylu Opisthocomidae. Thera meur a dhadhlow ow tochya taksonomieth an teylu, ha nag ew kler hwath.

Deskrivans

Myns fesont ew an hoatzin, gen hes a 65 cm (26 meusva), kodna hir ha pedn bian. Y enep glas ew heb pluv, ha'y dhewlagas gellrudh gen krib rudhek war y bedn. An lost ew hir a gelldhu gen pedn loosvelyn. Y geyn ew tewl ha'n torr loosvelyn.

Boos

Losowdebror ew an hoatzin, ow tebri del ha frutys. Ma anjei ow krambla en kledhek a-hes skorrednow a'n moy ages 50 ehen a wydh debrys ganja. Hwithrans en Veneswela a dhiskudhas bos aga boos 82% del, 10% flourys, ha 8% frutys.

Kesparya

Ma hoatzins ow kesparya en sesonek, ow kesparya ha dedhwi dres an seson glaw. Ydhyn kowethajek ew hoatzines, ow nythi en trevesigethow bian, ow tedhwi dew po tri oy en neyth a welydni.

• 
  Hoatzin ow neyja
• 
  Ydhnik hoatzin owth usya an krabanow war y eskelli rag krambla
• 
  Hoatzin en Perou
• 
  Hoatzin en Pow Ekwadorel

Ma an erthygel ma usya an Furv Skrifys Savonek a-barth Kernowek diwedhes.