Pel droos Iwerdhonek
Gwari a wari dre vras yn Iwerdhon yw Pel droos iwerdhonek (Iwerdhonek: Peil, Peil Ghaelach po Caid, Sowsnek: Gaelic football). Onan a wariow moyha gerys-da Iwerdhon yw.
 | |
| Ensampel a |
gwari para  |
|---|---|
| Klass |
pel droos, gwariow iwerdhonek |
| Gwlas |
Repoblek Wordhen |
 Restrennow kelmys war Gemmyn Wikimedia | |
Y hwariir pel droos iwerdhonek gans parys a 15 gwarier kettep penn. Furv an peulyow yw hevelep dhe lytheren H, kepar ha peulyow rugby, mes yma ros war an rann isella. Y hyllir skorya unn poynt dre gavos an bel ynter an peulyow, po skorya gol, talvesys tri foynt, dre gavos an bel y’n ros. Possybyl yw dhe wul devnydh a’n dhiwla ha’n dhiwdros rag gwaya an bel yn-rag.
Dell yw usys yma dew hanter a 30 munysen kettep penn; mes war an nivel ughella hys an hanter yw 35 munysen. An bel yw hevelep dhe bel pel droos, mes gans moy a boos. Ughelboynt an seson yw pennwari Kamporieth Bel Droos Iwerdhon Oll, a wariir yn Park Croke, Dulyn war an peswora dy’Sul yn mis Gwynngala. An fytt a’n jeves ruth a 80,000 a dus po moy herwydh usadow.
Pel droos iwerdhonek yw onan a’n peswar gwari iwerdhonel dyghtys gans Kowethas Athletek Iwerdhonek, an korf gwariow moyha yn Iwerdhon.