Phoenix (ranneves)

Phoenix yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Ranneves vyghan yw, henwys dhyworth an edhen vythologiethel. Hy a omdhiskwedhas yn kynsa yn 1603 yn lyver Johann Beyer, Uranometria, mes devisys veu gans Petrus Plancius yn 1597. An steren splanna, Alpha Phoenicis, yw gelwys Ankaa, العنقاء (al-‘anqā’) ger Arabek ow styrya an fenyk.

Ensampel a ranneves Edit this on Wikidata
Dydhyas diskudhans 1597 Edit this on Wikidata
Commons page Restrennow kelmys war Gemmyn Wikimedia

An ranneves a's teves deg steren gans eksoplanettys. Hi a gomprehend ynwedh dew vonni a alaksiow, El Gordo ha Bonni Fenyk, desedhys 7.2 ha 5.7 bilvill bledhen-wolow dhe ves a'n Norvys. Kwartet Roberts yw bagas a beswar galaksi (NGC 87, NGC 88, NGC 89 ha NGC 92) 160 milvil bledhen-wolow dhe-ves, yn gweythres kesskwattya.