Pisko hwerow
Pisko hwerow yw diwes kemmyskys (po koktel) dhyworth Perou, pur gemmyn avel rann a cuisine Perou ha Chile. Hanow an diwes a dheu dhyworth 'pisko', an las selyek, ha’n term koktel 'hwerow', kampollans dhe sugen citrus ha hwekheans. An versyn a Berou a gomprehend pisko perouvek, sugen limaval, melysugen, rew, gwynn oy hag Angosturas bitters. Hevelep yw an versyon a Chile, mes an pisko a dheu a Chile ha ny wrons i devnydh a’n gwynn oy ha bitters. An las selyek, pisko, yw eghen a aguardiente po dowr tomm frynkek gwrys dhyworth grappys. Y hanow a dheu dhyworth porth Pisco yn Perou, ha usys veu nans yw mar bell ages 1764.
 | |
| Ensampel a |
IBA official cocktail  |
|---|---|
| Klass |
Koktel, sour |
| Gwlas |
Perou |
 Restrennow kelmys war Gemmyn Wikimedia | |
Devisys veu an koktel yn 1922 yn Lima gans an tavernor amerikanek Victor Vaughen Morris. Ev a argemynnas an koktel nowydh yn paperyow nowydh Perou ha Chile, hag yn skon y teuth gerys-da. Perou a solempen dy’gol poblek pub bledhen dydh Sadorn kynsa mis Hwevrer ragdho. Gerys-da yw ev erbynn lemmyn dres an Bys. Dyghtys yw yn gwedrennow old fashioned, hag apoyntys veu avel koktel klassek kevos gans an IBA (Kowethas Keswlasek Tavernoryon).
Yn 2017 pan leveris kesweler dhe savla radyo yn Chile orth kaner bretennek Ed Sheeran dell longya pisko hwerow dhe Chile yn tien, Sheeran a worthebis bos gwell dhodho an versyon a Berou.
-
Imach dhe enora Morris yn Lima -
Ostel Bolivar yn Lima, onan a’n tylleryow kynsa dhe wertha an pisko hwerow -
Lewydh Arghantina Cristina Fernández ha lewydh Perou Alan García a yv yeghes gans pisko hwerow yn Palys an Governans Perou yn 2010 -
Skeusen a’n ayr – trev Pisco yn Perou wosa dorgrys meur yn 2006 -
Botellow pisko dhyworth Chile
