Plontyans
Plontyans yw furv a geskommunya dhe dharlesa kedhlow. Yth yw pupprys ragvreusek. Y tesinys an kedhlow na dhe wul dhe dus omglewes po krysi neppyth arbennek. Herwydh usadow, yth yw an kedhlow politek.
![Plontyans](http://upload.wikimedia.org/wikipedia/commons/thumb/4/43/Propaganda_art_in_North_Korea.jpg/220px-Propaganda_art_in_North_Korea.jpg)
Kales yw aspia mars yw gwir po fug an kedhlow. Yth yw an kedhlow sowdhanus hag anewn fest menowgh. Plontyans a wra dhe dhadhlow durya moy, ha kalessa aga digolm. Y hyll omdhiskwedhes avel skrisellow, argemmynnow an bellwolok, ha gwarnyansow an radyo.
Y teuth an ger 'plontyans' diworth an wreydhenn 'plont-', an diwettha ena diworth Hen Sowsnek, a'n keth gwreydhenn ha'n ger 'plansa'. Henn o styr an wreydhenn yn terowel. Byttegyns, y'n Kynsa Bresel an Bys, chanjys veu dhe styrya tybyansow politek, ervirys aga bos toellus.
Yth yw plontyans nebes kepar hag argemmyn. Rag ensampel, y hwra devnydh a'n routhvyski dhe lesa y dybyansow. Mes, yth yw argemmynna yn-kever gwertha neppyth, ha plontyans yn-kever tybyansow. Yth yw yn fenowgh politek, ha devnydhys yw gans statys po partiow, a-der kowethyansow privedh.