Poldark

Kevres a romansow istorek Sowsnek gans Winston Graham a veu dyllys a 1945 dhe 1953 ha dhana a 1973 dhe 2002 yw Poldark. An gevres a gomprehend 12 romans: an kensa seyth yw gorrys y'n 18ves kansvledhen, ow korfenna dhe Nadelik 1799; an pymp erel a hwer a-varr y'n 19ves kansvledhen hag y holons bewnansow diyskyonnoryon penn-nasow an romansow derowel. Y skrifas Graham an kensa pajer lyver Poldark dres an 1940ow ha'n 1950ow. Wosa powes hir y tewisis daskemeres an gevres ha dyllo The Black Moon yn 1973.

Ross Poldark, an penn-nas, yw sodhek an Lu Bretennek a dhehwel dh'y dre yn Kernow a Vresel Anserghogeth Amerika dhe drovya y krysas y vowes ambosys Elizabeth Chynoweth y vos marow ha parys dhe dhemedhya y genderow Francis Poldark. Ross a assay dasserghi fortunnyow y honan dre dhasygeri onan a valyow kober forsakyes y deylu. Wosa lies bledhen y temedh ev Demelza Carne, gonisoges voghosek, hag yn lent yth yw gwrys bos unverhes gans kolles kerensa Elizabeth.

An BBC re wrug dew aswiwans: onan a dharlesas yn 1975 ha 1977, hag onan a dhallathas yn 2015.

Romansow

Isditel pub romans yw A Novel of Cornwall (Romans a Gernow). Yn kynsskrif dhe The Black Moon, Graham a dhispleg y dhewis dhe dhasserghi an gevres wosa powes a ugens bledhen.

Holyans	Titel	Bledhynnyow komprehendyes	Kensa dyllans
1	Ross Poldark	1783–1787	1945
2	Demelza	1788–1790	1946
3	Jeremy Poldark	1790–1791	1950
4	Warleggan (Gorlegan)	1792–1793	1953
5	The Black Moon (An Loor Du)	1794–1795	1973
6	The Four Swans (An Peswar Alargh)	1795–1797	1976
7	The Angry Tide (An Mortid Serrys)	1798–1799	1977
8	The Stranger from the Sea (An Estren a'n Mor)	1810–1811	1981
9	The Miller's Dance (Dons an Meliner)	1812–1813	1982
10	The Loving Cup (Hanaf Kerensa)	1813–1815	1984
11	The Twisted Sword (An Kledha Nedhys)	1815-1817	1990
12	Bella Poldark	1818–1820	2002