Raad ny Foillan

Raad ny Foillan (Hyns an Wolan) yw kerdhva arvorel yn Enys Manow. Y hyllir hy herdhes yn fordh naswedhek po gorthnaswedhek.

Ensampel a	hiking trail
Hys	95

Hyns hag istori

Raad ny Foillan a dhalleth ha gorfenna orth Pons an Vilvledhen dres Porth Doolish (Douglas yn Sowsnek). Hys an trolergh yw 102 mildir, ha diskwedhys yw gans arwodhow gans golan war gilva las.

Arwodh Raad ny Foillan

Gwrys veu an trolergh rag merkya solempnitys "Bledhen Ertach" an enys yn 1986. Dell yw usys ev a sew an arvor, ow tremena divers tirwedhow kepar ha trethow grow yn Pentir Ayre dhe alsyow a ughder 1400 tros-hys.

An hyns a gomprehend an rannow a sew:

Enys Manow

Pons an Vilvledhen, Doolish

• Doolish dhe Balley Chashtal (19.75 mildir)
• Balley Chashtal dhe Purt le Moirrey (6 mildir)
• Purt le Moirrey dhe Purt Çhiarn (7 mildir)
• Purt Çhiarn dhe Purt ny h-Inshey (15 mildir)
• Purt ny h-Inshey dhe Balley Keeill Vaayl (7.5 mildir)
• Balley Keeill Vaayl dhe Jurby (7 mildir)
• Jurby dhe Kione ny h-Ayrey (8.5 mildir)
• Kione ny h-Ayrey dhe Rhumsaa (7.5 mildir)
• Rhumsaa dhe Maghal (5 mildir)
• Skeerey Maghal dhe Laksaa (8 mildir)
• Laksaa dhe Doolish (10 mildir)

An termyn skonna rag kowlwul Raad ny Foillan yw 21 our 21 munysen ha 25 eylen, gans Orran Smith yn Hedra 2020.

Bestes ha plansow

Y hyllir gweles ydhyn an mor kepar ha karaweges berrdhu, skuthanes Manow, popys brili, murres kemmyn ha golanes, warbarth reunes loos, ha war an tir, an deves Loghtan tanow gwithys gans Ertach Kenedhlek Manow.