Rasha Shehada
Rasha Shehada (Arabek رشا شحادة) ew dyghtyer-kevarwodher palestinek a ober e'n kowethyans teylu Diamond Line e'n An Emirethow Arabek Unyes (EAU).
| Rasha Shehada | |
|---|---|
| Genys |
1980s  Tiredhow Palestinek |
| Kenedhlogeth |
 Palestayn |
| Galwesigeth |
person negys |
| Pewasow |
BBC 100 Women |
Genys veu Rasha Shehada en Palestayn, an kres a dri flogh. Ma broder ha hwor dhe hei ewedh. Hei ha'y theylu a vovyas dhe'n Emirethow Arabek Unyes pan o hei flogh, ow triga en Abu Dhabi rag dalleth. Hy thas a fondyas kowethyans enperthi, Diamond Line y hanow. Hei eth dhe Universita Amerikanek en Sharja, ha gradhya en 2007, ha woja hedna, hei a oberi en kenwerth kesgwlasek.
E tallathas Rasha oberi en kowethyans hy theylu, bes en 2011, hei a viajyas dhe Ohio avel radn a 'Dowlen Keschanjya Kowethyansow Bian Amerika Kres-Est'. Hei a leveris hei dhe weles hevelepterow tredh an kowethyansow bian gwelys genji e'n Statys Unys. Hei a oberas rag displegya kowethyansow, ha movya hy thas ma hwrello ev dalleth gul devnydh a dheski oberoryon an kowethyans a-lebmyn, a-der arveth kusulyji.
Kens omdednans hy thas, ev a radnas an kowethyans en rannow kehaval tredh an tri flogh. Hy broder ha hwor a'y dewisas rag bos dyghtyer-kevarwodher en 2013. Hy ober kensa o dasfogella an kowethyans war y jif negys a enperthi oyl a-der provia stoffow dhe ostelyow.
Henwys veu Rasha Shehada gen paper termyn Forbes avel onan a'n benenes moyha awedhyansus en negys an tiredh arabek, ha komprehendys veu en towlen '100 benen' an BBC avel radn a'n bagas 30under30.
Devydnow
golegi- “Thera gwelesigeth dhebm. Thera vy pub termyn ow tebatya tybyansow, fyllel gaen nebes provow ha seweni gen erel. Pan erviras an fondyer kabma dhe'n dor, me a assayas oberi gen para skoodhyansek, gen sewyansow kennerthus, etho an fondyer a leveris orta vy, “An kowethyans ew en diwla da, etho hembronk ev!" War radn ow broder, ev a gawas kevarwodhyansow ha lowen o dhe'ga gul, nag o mar omladhgar agesov vy."
- “Pub termyn ma tus ow mires ort bos hembrynkyji, ott an for' hengovek. Bes dres termyn, nei a dheuth moy ygor, drefen nebes teyluyow dhe ara benenes kemeres an frodnow war aga honan. En acheson agan teylu, ma hwor gottha dhebm eth dhe'n bys negys kens me dhe wul, ha broder yonka e'n keth park ewedh. Pan vedn nebonan govyn orta vy praga, me a ell gorthebi en es dell oma an moyha gwiw rag y wul lebmyn. Na wor nagonan pandra alja hwarvos e'n termyn a dheu, nag eus kesstrif tredha nei. "
Ma an erthygel ma usya an Furv Skrifys Savonek a-barth Kernowek diwedhes.