Ray Edwards

Ray Edwards po Map Mercya (1924 - 2 Ebrel 2008) o skoler hag awtour Kernewek a vri veur y'n Dasserghyans arnowydh.

BewskrifChanjya

Ev o dyskador tavosow (Frynkek ha Spaynek) kyns omdenna a-varr yn 1980; ena y tallathas ev studhya Kernewek. Ev a sewenis yn ughella gradh aposyansow Kesva an Taves Kernewek yn 1982, ha berdhys veu avel esel a'n Orsedh y'n keth vledhen. Geryes gwell yw Edwards awos dyllo Kernewek Dre Lyther bys 2001. Kernewek Dre Lyther a res an chons dhe dhyski Kernewek dhe dus trigys dhe ves a Gernow. Moy es 300 studhyor a'n gwrug. Yntredha yma niver da a dus re warias aga rann ynsi a avonsya an yeth alenna rag. Ray a brovias pup-prys skoodhyans diwysyk dh'y studhyoryon gans notennow pals ha lyther-nowodhow An Kesrifer.

Edwards re bennskrifas hwelow bardhonieth hengovek (Passyon agan Arleth yn 1982 ha Keynskrif an Chartour yn 1994), ha re skrifas niver a hwedhlow y honan: "An Asyn", "Dew Hwedhel Istorek", "An Teyr Myghternes". Ev a waynyas pewas An Gwrys Kernewek yn 1984 rag an hwedhel An Asyn. Yn 1986, Edwards a dyllas treylyansow nebes lyvrow an Bibel, ha treylyans a Alys y'n Vro a Varthusyon gans Lewis Carroll yn 1998. Symon Harner re-n sywyas avel Ordener Kernewek Dre Lyther. Skoodhyer o a Gernewek Kemmyn.

Ray a wodhevis kanker dres nebes bledhynnyow mes y pesyas owth oberi rag Kernewek a-hys an termyn na. Soweth, kres mis Hwevrer 2008, y teuth ha bos gweth ha'n kanker ow lesa dres y gorf may feu res dhodho mos y'n klavji. Ev a verwis ena, 2a Ebrel 2008, 83 bloodh y oos.

OberyowChanjya

  • Pennskrifow: tekstow hengovek, ow tiskwedhes an mammskrif, Kernewek Kemmyn ha treylyans Sowsnek ha notennow skolheygiethek
    • Origo Mundi (Dallethvos an Bys) 1a rann an Ordinali
    • Passio Christi (Passyon Krist) 2a rann an Ordinali
    • Resurrexio Domini (Dasserghyans an Arlodh) 3a rann an Ordinali
    • An Darn Chartour
    • Bewnans Meryasek
    • Gwrians an Bys
    • Pregowthow Tregear
    • Passyon agan Arloedh
  • lies erthygel ha lyther yn An Gannas
  • Treylyansow Biblek - Diskwedhyans Yowann; Unnek Epystel; Jenesis ha Levitikus
  • Notennow Kernewek - notennow skolheygiethel a ramasek ha gerva an yeth
  • An Asyn
  • An Teyr Myghternes
  • Tri Hwedhel a-dhiworth Kanada: Three Tales from Canada (1996) (war-barth ha Jeffrey Shaw)
  • Dew Hwedhel Istorek: Two Historical Tales (1993)
  • Krowseryow Kernewek: Cornish Crosswords (1996)
  • Gwersyow Kernewek: Cornish Verses (2005)
  • Govynnadow War an Tekstow Settys Orth Peswara Gradh Rag 2002, 2003, 2004: Questions on the Set Books at Fourth Grade for 2002, 2003, 2004 (2002)
  • Alys Y'n Vro A Varthusyon Ha der an Gweder-Mires de Lewis Carroll

KampoellansChanjya


  Porth Kernow – Tre rag folennow ha klassys Wikipedya a-dro dhe Gernow.