Rowena Cade
Rowena Cade (1893–1983) o gwrier an Wariva Veynek yn Nansmornow, Kernow.
| Rowena Cade | |
|---|---|
| Genys |
1893  Spondon |
| Mernans |
1983 |
| Galwesigeth |
gwarier gwariva |
Genys veu Cade 2 Est 1893 yn Spondon, ogas dhe Derby. Hi o hwor gottha Katharine Burdekin, novelydh, ha gans aga dew vroder i a driga yn The Homestead yn Spondon. Teylu Rowena Cade a werthas aga chiow yn Spondon ha Cheltenham ha remova dhe Nansmornow yn Penwyth west wosa Kynsa Bresel an Bys.
Hi a dhiskudhas ha prena penn tir Meynek y'n 1920ow rag £100 ha drehevel chi.
Wosa Cade dhe restra performyans a A Midsummer Night’s Dream yn 1929, hi a dhallathas hwilas rag tyller gwiw le may hallsa drehevel gwariva fast yn-mes. Treghys yw an wariva mes a ven war alsyow men growan Nansmornow, nebes mildiryow a Benn an Wlas.
Hi a dhrehevis an wariva hy honan gan gweres hy lowarther Billy Rawlings yn 1931–32. An wariva a gemeras hwegh mis dhe dhrehevel. An kynsa performyans o The Tempest gans Shakespeare yn hav 1932. Heb golowyans ewn, res o an performyans usya batriow ha pennlugern karr rag enowi an wariva.
Yn 1976, Cade a ros an wariva dhe drest alusenek. An teylu Cade a besya bos rann a'n wariva - an menystrer ollgemmyn o demedhys dhe nith wynn Rowena. Dyghtys yw an wariva lemmyn gans Philip Jackson. Hi re beu rann a nebes towlennow BBC ow tochya Kernow.