Sen Sylvester

Sylvester I o pab a vis Genver 314 bys 31ns Kevardhu 335, ow sywya Miltiades. Yn termyn y fabeth, Kostentin Veur a ros lies ro dhe'n Eglos Romanek, war-lergh an Liber Pontificalis (7ves po 8ves kansblydhen); an acheson hengovek yw Sylvester dhe sawya Kostentin a'n kleves meur. Vershyon war an hengov ma a wra rann a Vywnans Meryasek. War-lergh an hengov (ow tydhya a dhiwedh an 5es kansblydhen herwydh Johann Döllinger), Kostentin a via byjydhyes gans Sylvester ha ri studh arbennik dhe Gristoneth der lywyans Sylvester. An tekst pur goth (mes kamm) Constitutum Donatio Constantini a styry an ro supposys gans Kostentin dhe Sylvester a wovernans Itali gres.

Sylvester a dhannvenis kannasow dhe Gynsa Konsel Nicaea ha gelwis konsel orth Rom rag damnya kammgryjogyon Arianek hag erell.

Dy' Goel Sylvester yw an 31ns a vis Kevardhu, po an jydh kyns Kalann Genver.

Bleynyes gans:
Miltiades

Pab (314–335)

Holyes gans:
Margh

Kampoellans

Yma'n erthygel ma ow kul devnydh a dekst a'n Encyclopædia Britannica 1911 hag yw y'n public domain.