Stargate SG-1

Towlen bellwolok fugieth skiansek yw 'Stargate SG-1'. Gwrys veu gans Jonathan Glassner ha Brad Wright, yn unn sterenna Richard Dean Anderson, Michael Shanks, Amanda Tapping, Christopher Judge, Don S. Davis, Corin Nemec, Ben Browder, Beau Bridges ha Claudia Black. Gwrys veu yn Kanada ha'n Statys Unys. Yma 214 a dowlennow y'n kevres ha 2 fylm rag pellwolok. Aga hirder yw 42 mynysen (63 mynysen traweythyow).

Richard Dean Anderson, a wari General Jack O'Neill y’n kevres

Ev a hwer wosa an fylm Stargate. An dowlen a dhallathas war an 27ves a Vis Gortheren, 1997 war ganel pellwolok Showtime, ynter 1997-2002, hag ena war an ganel bellwolok Sci Fi, ynter 2002-2007. Hirder an kynsa towlen, "Children of the Gods" o diw eur. An dowlen dhiwettha o "Unending" war an 13ves a Vis Meurth, 2007.

An dowlen a lever a-dro dhe oberyans kevrinek kasorek henwys an ‘Stargate Program’ (Towlen Sterborth). Pennplas an dowlen yw yn-dann Menydh Cheyenne, yn Kolorado, Statys Unys, henwys Stargate Command (po’n SGC). An dowlen a sew unn bagas, henwys SG-1. Eseli an bagas yw Colonel Jack O'Neill (Richard Dean Anderson), Dr. Daniel Jackson (Michael Shanks), Major Samantha Carter (Amanda Tapping), ha Teal'c (Christopher Judge).

Yma'n erthygel ma owth usya an Furv Skrifys Savonek a-barth Kernowek kres.