Tavolen

eghen a les
Tavolen
Tavolen
(Rumex obtusifolius)
Klassans bewoniethek
Gwlaskor:
(anrenkys):
(anrenkys):
Eudicots
Urdh:
Caryophyllales
Teylu:
Kinda:
Rumex
Hanow dewhenwek
Rumex obtusifolius
Linneaus

Tavol yw an hanow Kernewek dhe'n plans pubvledhynnyek Rumex obtusifolius (dail tafol yn Kembrek ha broad-leafed dock yn Sowsnek). Teythyek yw dhe Europa, mes kevys yw war bub brastir temprek. Eghen fest goryskynnus yw drefen y vos smat, y geskar has pals, aswiwadowder rag reproducya, gwreydh krev ha'y gavadowder dhe wodheva hinyow pell. Yma tavol y'n keth teylu ha trenkles ha trenkan.

Plansow tavolen a dyv dhe ughelder a 40 dhe 150 cm (16 dhe 59 ma.). Aswonys yw drefen hy del bras hirgylghek. An wreydhen yw pur dhown, gans lies skorren owth ystynna dhe dhownder a 150 cm.. Tavol a dyv war dir aradow, prasow, tir difeyth, emlow fordh, kleudhyow, arvorow, glannow avon, emlow kosow po lanerghi hag avalenegi.

Usys golegi

Y hyllir usya del tavol avel losowen salad, rag pareusi kowl losow po aga hegina kepar ha spinach. Yn Iwerdhon ha'n Ruvaneth Unys, kevys yw tavol yn fenowgh ogas dhe linas, ha mar pe gwanys, delen a davol, gwaskys nebes rag tenna tamm sugen, a yll bos ruttyes war an kneus dhe heuthhe an gosva kawsys gans tava plans linasen.