Telescopium (ranneves)

Telescopium yw ranneves aswonnys avel onan a'n 88 aswonnys gans an Unyans Steroniethek Keswlasek (IAU). Hy o onan a dhewdhek henwys y'n 18ves kansvledhen gans steronydh frykek Nicolas-Louis de Lacaille hag onan a niver ow tiskwedhes daffar godhoniethel. Hy hanow yw furv Latinekkhe a'n ger Greka rag pellweller.

Telescopium constellation map.svg
Ensampel a ranneves Edit this on Wikidata
Dydhyas diskudhans 1751 Edit this on Wikidata
Rann a Hanterkylgh Nevek an Dyghow Edit this on Wikidata
Commons page Restrennow kelmys war Gemmyn Wikimedia

An steren splanna y'n ranneves yw Alpha Telescopii, isgorrsteren gwynn-glas gans splannvraster a 3.5, hag ena an gorrsteren rudhvelyn Zeta Telescopii splannvraster 4.1. Eta ha PZ Telescopii yw dew gevreyth steren yowynk gans diskow atal ha kesparow korrsteren gell. Telescopium a wra ostya diw steren goynt gans nebes hidrojen, dre lycklod sewyans diw steren wynn gorunys: PV Telescopii, yw steren heliom pooth glas, ha RS Telescopii yw steren varyansel a'n eghen R Coronae Borealis. RR Telescopii yw steren varyansel a dardhas avel nova dhe splannvraster 6 yn 1948. Yn Telescopium ynwedh yma an kevreyth gweladow kynsa aswonnys gans toll du, QV Telescopii, hag a omdhiskwedh avel steren varyansel gans splannvraster 5.32 dhe 5.39.