Teulu yw bagas a bobel neb, y’n brassa rann a achesonyow, a drig war-barth. I a gevrenn aga arghans ha boos ha gweres an eyl ha’y gila. Y eseli yw unwos po kelmys yn genynnek (avel broder ha hwor) po kelmys yn lagha an eyl dh’y gila, rag ensampel dre dhemedhyans. Yn lies gonisogeth, eseli a’n teylu a’s teves an keth hanow teylu po unn hevelep.

Gwedhen deylu ow tiskwedha neskerens ha'ga henwyn Sowsnek
Teylu sprusennek a Nihon.
Teylu ystynnys yn Spayn.

Teylu yw an unses leha yn kowethas. Bewnans teylu yw moy privedh hag ogas ages bewnans poblek. Yma dhe’n brassa rann a wlasow laghys a-dro dhe vewnans teylu, rag ensampel, demedhi a-ji dhe’n teylu ha synsi perthynyansow reydhek gans neskerens, yn arbennek fleghes.

Eghennow a deyluyow golegi

  • Teylu sprusennek yw kerens hag onan po moy a fleghes ow triga war-barth.
  • Teylu onan kar yw teylu mayth yw onan kar hag onan po moy a fleghes
  • Styr teylu ystynnys yw tas, mamm, myrghes, mebyon, kerens wynn, ewntres, modrebedh, kenderwi ha keniterwi, noyens ha nithow. Yn lies gwlas kepar ha China, Eynda ha Pakistan, teyluyow ystynnys yw an norm.
  • Teylu meythrin yw teyluyow mayth yw fleghes gwithys gans pobel nag yw aga herens.