Triangulum (ranneves)

Triangulum yw ranneves aswonnys avel onan a'n 88 aswonnys gans an Unyans Steroniethek Keswlasek (IAU).

Triangulum constellation map.svg
Ensampel a ranneves Edit this on Wikidata
Rann a hantergylgh nevek an gogledh Edit this on Wikidata
Commons page Restrennow kelmys war Gemmyn Wikimedia


Hy hanow yw "trihorn" yn Latin, drefen patron hy theyr steren splanna. Aswonnys dhe'n Babylonianes ha Grekys, Triangulum o onan a'n 48 ranneves renkys gans steronydh an 2a kansvledhen, Ptolemy. Johann Bayer ha John Flamsteed a wrug rol a ster an ranneves. Dhe'n Babylonianes, aswonnys o avel MULAPIN (𒀯𒀳) "an Arader", ha dhe'n Grekys, Deltoton (Δελτωτόν), hevelep dhe'n lythyren "delta" - Δ.

An ster gwynn, Beta ha Gamma Trianguli, splannvrasterow 3.00 ha 4.00, a-gettep, a furv sel an trihorn, ha'n steren wynn-melyn Alpha Trianguli, splannvraster 3.41, yw an bleyn. Iota Trianguli yw kevreyth steren dhewblek ha tri kevreyth a ster gans planettys aswonnys yw desedhys yn Triangulum. An ranneves a gomprehend nebes galaksi, an splanna ha nessa yw Galaksi Triangulum, po Messier 33 — esel a'n Bonni Leel. An kwasar kynsa aspiansys, 3C 48, a sev y'n ranneves ynwedh.