Tunicata

Skitvil
Skîtvil, Pyura spinifera. Ema spong kesvewus ow korhera y enep.
Klassans bewoniethek
Gwlaskor:	Animalia
Fylum:	Chordata
Isfylum:	Tunicata Giribet et al 2000

Skîtvil bleujyow an gog

Trevesigethow a skîtvil Botrylloides violaceus. Merkyewgh eginow zooyd nowydh a-berth dhe'n trevesigethow hag a-hys emlow an trevesigethow.

Trevesigeth Botryllus.

Tunicata (skîtviles) ew fylum a'n Chordata.

Debroryon morek enjei a wra devnydh a sidhel rag tedna plankton en mes a'n dowr. Henwys enjei "tunicata" drefen bos an furv tevesyk gorherys gen pows ("tunic") ledhrek. Ema an pows ow skoodhya ha gwitha an eneval. Kelmys ew an tevesygyon dhe garrek. Ago hanow Sowsnek ew sea squirts ha'n Kembrek, tiwnigog (liesplek - tiwnigogion) po chwistrell (liesplek - chwistrellau).

Ema lies skîtvil ow pewa avel trevesigeth pan vo tevesygyon. Ema a-dro dhe 3,000 ehen e'n fylum. Ema an tevesygyon ow triga war leur an mor, dell ew usys, e'n parth ogas dhe'n tir.

Debry

Ema dhe'n skîtvil dew volgh en y gorf bian. Udn anodhans, gelwys an seyfon war anow, a wra sugna dowr e'n eneval; an aral, gelwys an seyfon a'n gwen, a skît dowr dhe ves. A-bervedh ema cawel bian pecara rider hag a ell magledna boos; etho debroryon sidhla ew skîtviles. An skîtvil a ell degea an tell en y seyfonow, pecara tedngorden ow tegea bolgh en sagh.

Kelgh bownans

Pan vo en y studh pryvednek ('larval'), y semlant ew pecara pednyn. Pecara lies eneval an mor, y semlant ew pur dhyffrans dhe'n skîtvil cowldevys. Ema an pednyn ow neyja rag termyn cott hag ena omgelmi dhe neppeth war leur an mor, pecara carrek. Ena treusfurvya a wrava dhe'n form cowltevys ha gortos rag remenans y vownans.

Colmow goos

Skîtviles ew kelmys nessa dhe'n Craniata (gwraghbuskes) es guwigow, sortes mor, preves mor, po divellkeynoges erel.

Diskudhyansow

Diskudhys veu stoffow kemyk a alja gweres batalyas ort klevesow pecara canker po virusow en nebes ehednow.

Ewedh ema dhe skiensydhyon diskudhys nebes ehednow dhe yaghhe damach gwres dhodhans dres nebes henedhow. Possybyl via process haval rag tus e'n termyn a dheu.

Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.