Twarres yw bagas pop/gwerin a Wergea y’n Iseldiryow hag a gan yn Sowsnek ha’ga Frisek teythyek. Aga ilow yw pop levyel, kessenyek fogellys war vaynorieth sononiethel kepar ha piano ha fyll.
Aga flasen gynsa "Wêr bisto" (Ple’th esos ta?) a waynyas pewas an goslowysi y’n Kesstrif Kan rag Pow Fris yn 1999, hag an nessa pewas y’n Kesstrif Kan y honan.[1] Yma dhe’n bagas unn blasen hir platinom hag unn sengel platinom a-gettep.
Y tallethas Mirjam Timmer ha Johan van der Veen kana war-barth pan ens i yowynk. Rann an pewas veu dyllo sengel, dyllys an 10 ves a vis Gortheren 2000. Ev a dhrehedh an Mega Top 100. Wosa nebes bledhynyow war-barth, Twarres a warias aga heskan diwettha diwedh 2003.
Yn mis Est 2006, Twarres a leveris dell via dasunyans, moy ages gwirhaval yn 2007 po 2008, gans plasenn hir dhe vos dyllys yn gwenton 2008. Mes an 15ves a vis Est, 2007, drefen y yeghes, Johan van der Veen a erviras diberth an bagas. [2] Asleys veu gans Auke Busman neb a dhiberthas diwettha maga ta. Yn mis Est/mis Gwynngala 2009, gorsav radyo iseldiryek Q-music a restras kesstrif roas dhe hwilas rag “an Johan nowydh”. Joost Bloemendal a waynyas an kesstrif 11ves mis Gwynngala 2009.
Yn 2006, Mirjam Timmer, kaner ha giternydh Twarres, a dhallathas resegva solo, owth usya an hanow gwari "Mir".[2] Dyllys veu hy flasen hir Files from London yn 2006.
Erbynn 2017, Twarres o trias, hag a gomprehend Timmer ha breder Julian ha Kristian Dijkstra. Rekordys veu sengel 2016 "Fûgelfrij" gans an eseli ma. Yn 2017, leverys veu dell wrussa Julian Dijkstra diberth an bagas. [3]
Restrennow kelmys war Gemmyn Wikimedia
