Tycho Brahe
Tycho Brahe, genys avel Tyge Ottesen Brahe (14 Kevardhu 1546 — 24 Hedra 1601) o steronydh a Dhanmark. Ev a wre aspia war ebron an nos kyns devisyans an pellweller. Ev a dhrehevas aspiansva veur henwys Uraniborg war enys Hven yn Danmark.
| Tycho Brahe | |
|---|---|
 | |
| Genys |
14 Kevardhu 1546, 1546  Kastel Knutsdorp |
| Mernans |
24 Hedra 1601, 1601 Praha, Praha |
| Kenedhlogeth |
Ruvaneth Danmark |
| Alma mater |
|
| Galwesigeth |
steronydh, honanvewskrifer, prydydh, sterdhewinydh, alkemydh, skrifer |
| Arvether |
|
| Aswonnys rag |
Rudolphine Tables, Tychonic system, De Nova Stella |
| Tas |
Otte Brahe |
| Mamm |
Beate Clausdatter Bille |
| Pries |
Kirsten Barbara Jørgensdatter |
| Fleghes |
Sidsel Brahe |
| Pewasow |
Knight of the Order of the Elephant |
| Sinans | |
 | |
Ev a dhiskudhas an ollvys yn-mes a'n Kevreyth Howlek dhe allos chanjya dres termyn. Ev a dhiskudhas ughnova (SN1572) ha steren lostek. Johannes Kepler o y skoodhyer. Tycho a wrug aspiansow a'n planettys gans rach meur. Pan verwis Tycho yn 1601, Kepler a dhuryas gans y ober.
Nyns o Tycho godhonydh arnowydh. Ev a grysis yn sterdhewinieth, ha'y steronieth o kemyskans koynt a aspiansow godhoniethel ha kryjyans kryjyk. Kyn sevis orth gevreyth Ptolemy, ev a naghas kevreyth Copernicus ynwedh. Ev a dhisplegyas tybyans dorgresennek a dhismygas bos an Howl ha Loor ow resek a-dro dhe'n Nor, mes bos an planettys erel ow resek a-dro dhe'n Howl.
Yn dyffrans dhe'n brassa rann a steronydhyon y'n termyn na, ny grysis yn tybyans pelyow nevek (celestial spheres) heb janj vytholl. Nova Tycho a brovas chanjys dhe hwarvos. Ynwedh ev a dhiskudhas bos ster lostek taklow nevek gwir gans resegvaow dyffrans dhe resegvaow an planettys.
Yn 1566, ev a omladhas omladh dewdhen drefen dadhel a-dro dhe biw o an gwella awgrymer, ha kelli rann a'y dron. Ev a wiska tron fug rag remenans y vewnans.
Wosa kevewi yn Praha yn 1601, ev a gavas kleves loneth. Y ferwis 16 dydh awosa. Herwydh Kepler, yth esa edhom dhodho a vos dhe'n privedhyow, mes ev a sevis orth terri 'etiquette' ha gortos orth an voos. Arvrysyansow arnowydh a lever y vos ow kodheva gans kanker an ragwagren (prostate cancer).
Hanow Tycho yw res dhe gowdoll war an Loor, kowdoll war an planet Meurth ha'n ughnova diskudhys ganso.
Lyver meur Tycho, Astronomiae Instauratae Progymnasmata
Mappa Tycho ow tiskwedhes tyller y'n ebron a'n ughnova diskudhys ganso
Aspiansva Tycho yn Uraniborg
Men bedh Tycho yn Praha
Imach a Tycho Brahe ha Johannes Kepler
Kowdoll Tycho war an Loor
Kowdoll Tycho Brahe war Veurth
Asteroyd Tycho Brahe
Efanyans remenans Ughnova Tycho ynter 2000 ha 2015
Torn a remenans Ughnova Tycho
_Tycho_Brahe.png)