Tykki Duw

Tykkiow Duw Efander menhesennow: Paleocen – lemmyn 60–0 Ma
Loosvelyn gwynnik
Klassans bewoniethek
Gwlaskor:	Animalia
Fylum:	Arthropoda
Klass:	Insecta
Urdh:	Lepidoptera (rann)
Teyluyow
Ughdeulu: Hedyloidea Hedylidae Ughdeulu: Hesperioidea Hesperiidae Ughdeulu: Papilionoidea Papilionidae Pieridae Nymphalidae Lycaenidae Riodinidae

Hweskeren gans eskelli liwus ow longya dhe'n urdh Lepidoptera yw tykki Duw (dhyworth tegen Dhuw). Wosa gori a'n oy, tykki Duw yw pryv del a dheber meur a dhel, ha a janj dhe hwiler (chrysalis) kyns dos yn mes a'n hwiler wosa nebes seythennow gans eskelli.

Gwennolek (Papilio machaon):
A- Askell a-rag B- Tavell C- lagas komplek D- Sugnor E- Thoraks F- Garr G- Torr H- Askell war dhelergh I- Lost

Yn fenowgh, yma dhedha eskelli liwus, meur. Y'n bagas ma kevys yw tykkiow Duw (ughdeylu an Papilionoidea), an pennogyon (ughdeylu Hesperioidea) ha'n godhanes - tykkiow Duw (ughdeylu Hedyloidea). Skant yw an niver a venhesennow, drefen bos aga eskelli mar danow ha hedor, mes prederys yw an urdh dhe esplegya nans yw 40-50 milvil bledhen.

Nebes tykkiow Duw a dhivro, h.y. ow vyajya milyow a vildiryow dres an hav; rag ensampel, an myghtern (egh. Danaus). Drefen aga gallos dhe janjya dhyworth unn studh dhe studh aral, ha drefen tekter aga liwyow ha'ga neyj, imach gerys da yns i yn lien hag artys erel. Konsidrys yw nebes anedha avel pla drefen i dhe dhybri losow kegin. Tro aral, aga freves del a dheber eghennow erel konsidrys avel pla aga honan.

Hwithrans re dhiskwedhas leheans yn niveryow a 71% a eghennow tykkiow Duw yn Breten Veur a-dhia 1983 dhe 2003.

Eghennow yn Kernow

Gwydhyow gans 'Cyfoeth Naturiol Cymru' a Vrith an Gors

Eghennow a dykkiow Duw a welir yn Kernow a gomprehend an re a sew:

1. Argus gell (Aricia agestis: Brown Argus)
2. Losek (Hipparchia semele: Grayling)
3. Lost an golm (Macroglossum stellatarum: Hummingbird Hawkmoth)
4. Porther (Pyronia tithonus: Gatekeeper)
5. Brith arghans (Argynnis paphia: Silver-washed Fritillary)
6. Brith gell (Argynnis adippe: High brown Fritillary)
7. Brith duwer (Argynnis aglaja: Dark Green Fritillary)
8. Brith an gors (Euphydryas aurinia: Marsh Fritillary)
9. Brith Glanville (Melitaea cinxia: Glanville Fritillary)
10. Brith an ros (Melitaea athalia: Heath Fritillary)
11. Lostek du (Satyrium pruni: Black Hairstreak)
12. Lostekn gell (Thecla betulae: Brown Hairstreak)
13. Lostek gwynn (Satyrium w-album White letter Hairstreak)
14. Lostek gwer (Callophrys rubi: Green Hairstreak)
15. Brith perlek (Boloria euphrosyne: Pearl-bordered Fritillary)
16. Brith perlek byghan (Boloria selene: Small Pearl-bordered Fritillary)
17. Burnet hwegh namm (Zygaena filipendulae: Six-spot Burnet)
18. Kober byghan (Lycaena phlaeas: Small Copper)
19. Glesek bras (Phengaris arion: Large Blue)
20. Glesek byghan (Cupido minimus: Small Blue)
21. Glesek kemmyn (Polyommatus icarus: Common Blue)
22. Glesek sterennek (Plebejus argus: Silver-studded Blue)
23. Glesek an kelyn (Celastrina argiolus: Holly Blue)
24. Glesek an krey (Lysandra coridon: Chalkhill Blue)
25. Glesek Adonis (Lysandra bellargus: Adonis Blue)
26. Kosek brith (Pararge aegeria: Speckled Wood)
27. Gellek an kylgh (Coenonympha tullia: Common Ringlet)
28. Gellen an keow (Lasiommata megera: Wall Brown)
29. Gellek an pras (Maniola jurtina: Meadow Brown)
30. Pennek byghan (Thymelicus sylvestris: Small Skipper)
31. Pennek malow (Pyrgus malvae: Grizzled Skipper)
32. Pennek loos (Erynnis tages: Dingy Skipper)
33. Gwynnek bleyn rudhvelyn (Anthocharis cardamines: Orange Tip)
34. Gwynnek an koos (Leptidea sinapis: Wood White)
35. Gwynnek byghan (Pieris rapae: Small White)
36. Gwynnek bras (Pieris brassicae: Large White)
37. Gwynnek gwithi gwyrdh (Pieris napi: Green-veined White)
38. Askellek (Vanessa cardui: Painted Lady)
39. Komma (Polygonia c-album: Comma)
40. Amyral rudh (Vanessa atalanta: Red Admiral)
41. Amyral gwynn (Limenitis camilla: White Admiral)
42. Lagas payon (Inachis io: Peacock)
43. Melyn an ravnen (Gonepteryx rhamni: Common Brimstone)
44. Yar vyghan an linas (Aglais urticae: Small Tortoiseshell)
45. Halek bras (Coenonympha tullia: Large Heath)
46. Halek byghan (Coenonympha pamphilus: Small Heath)
47. Emperour purpur (Apatura iris: Purple Emperor)
48. Loosvelyn gwynnik (Colias hyale: Pale Clouded Yellow)

Kylghres bewnans

Kylghres bewnans Melyn an ravnen

Parya (kledh: gorow)

Oy war ravnen Rhamnus frangula

Preves del war Rhamnus frangula

Hwiler po pupoa

Gorow

Mirva skeusennow

• 
  Brith Spayn
• 
  Gwennolek tiger
• 
  Teinopalpus imperialis a Eynda (benow)
• 
  Teinopalpus imperialis a Eynda (gorow)
• 
  Atrophaneura rhodifer a Eynda
• 
  Brith perlow byghan
• 
  Delias eucharis a Sri Lanka
• 
  Kobrek byghan
• 
  Emperour purpur
• 
  Polygonia interrogationis a Amerika Gledh
• 
  Mappa
• 
  Melyn an ravnen
• 
  Pansi las
• 
  Glesek masarin
• 
  Gellek an kylgh
• 
  Pennek checkerys
• 
  Gwynnek bras
• 
  Mappa
• 
  Lagas payon
• 
  Myghtern
• 
  Amyral rudh
• 
  Komma
• 
  Askellek
• 
  Lost an golm