Wassily Kandinsky

Wassily Kandinsky (Russek: Василий Кандинский) (16 Kevardhu 1866 – 13 Kevardhu 1944) o lymner, gwrier printow ha tybier art russek.

Wassily Kandinsky
Genys	4 Kevardhu 1866 (in Julian calendar)  Moskva
Mernans	13 Kevardhu 1944, 14 Kevardhu 1944, 1944  Neuilly-sur-Seine
Trigva	Moskva, Neuilly-sur-Seine, Odesa, Munich
Kenedhlogeth	Emperoureth Russi, Russian Soviet Federative Socialist Republic, URSS, Pow Frynk, Almayn
Alma mater	Academy of Fine Arts, Munich Moscow State University, Faculty of Law Grekov Odesa Art school
Galwesigeth	lymner, dyskador pennskol, tybier art, dyskador, laghyas, lymner, gwrier pryntys, artydh graffek, draftyer, desiner gwariva, desiner, gravyer, delinyer
Soodh	kevarwodher
Arvether	Bauhaus
Aswonnys rag	Composition VII
Gis	Liwans, graphics, tybyans, art tybel
Chyf delanwes	Haystacks, Lohengrin, Helena Blavatsky, pointillism, fauvism, Blue Rose, ilow, Richard Wagner, Claude Monet, Edvard Munch, Vincent van Gogh, Henri Matisse, Pablo Picasso, Walter Gropius, Rudolf Steiner
Movyans	Menegesydhieth, Symbolieth, Bauhaus
Pries	Nina Nikolajewna Andreevskaja
Kespar	Gabriele Münter
Gwiasva	https://www.wassilykandinsky.net
Eseleth	Die Blaue Vier, An Marghek Glas, Abstraction-Création
Sinans

Dhe’n Lev Ankoth, 1916

Konsidrys ywa avel onan a’n lymnoryon posekka a’n 20ves kansvledhen. Den a vri o yn art arnowydh, ow lymna nebes a’n oberyow arnowydh tybel kynsa. Y gor a janjyas moy ages unnweyth dres y vewnans. Yth o, yn aray, fauvek, tybel, mynegesydhel ha drehevyansel.

Bewnans

Genys veu yn Moskva, Kandinsky a spena y yowynkneth yn Odessa. Ev eth dhe Bennskol Moskva ow studhya an lagha hag erbysieth. Pur sewenus o, ev a gavas galwans dhe vos professor lagha yn Pennskol Dorpat (Tartu lemmyn). Ev a dhallathas studhya lymna (delinya, linenna hag anatomi) pan veu 30 bloodh.

Yn 1896 ev eth dhe driga yn Munich ow studhya y’n kynsa le yn skol brivedh, ena yn Akademi Artys Fin, Munich. Ev o dallathor an Bagas Art “Der Blaue Reiter" (Marghek Glas), henwys dhyworth onan a’y lymnansow y honan. Wosa dalleth Kynsa Bresel an Bys yn 1914 ev a dhehwelas dhe Russi. Nyns ova lowen gans tybyansow sodhogel ow tochya art yn Moskva, ytho ev a dhehwelas dhe Almayn yn 1921. Ena, ev a dhyskas yn skol art ha pensernieth Bauhaus a-dhia 1922 bys dhe dhegeans an skol gans an Naziow yn 1933. Ev a removas dhe Bow Frynk le mayth o trigys rag remenant y vewnans. Ev a dheuth ha bos burjes frynkek yn 1939. Y ferwis yn Neuilly-sur-Seine yn 1944.

Delanwesow

Yn y gothni ev a wrussa perthi kov bos dynys ha kentrynnys gans liw avel flogh. Y vern gans symbolieth liw ha brysonieth a besyas dres y vewnans. Yn 1889, ev o rann a vagas hwithrans ethnograffek a viajyas dhe ranndir Vologda, dhe’n gledhbarth a Moskva. Yn Looks on the Past, ev a lever fatel veu an treven hag eglosow afinys gans keniver liw terlentrys dell, orth aga engtra, wrug ev omglewes y vos ow kwaya a-ji dhe lymnans. An prevyans ma, ha’y studhyans a art gwerin an ranndir (yn arbennik an devnydh a liwyow bryntin war geyndir du) a yll bos gwelys yn lower a’y oberyow a-varr.

Yth esa bern dhodho ow tochya mynsonieth yn art ha filosofieth. Tremmyn awenek furv yw menegys gans kevresow leheys a gylghow, trihern ha pedrogow.

Termynyow artydhek

• 1 Yowynkneth hag awen (1866–1896)
• 2 Metamorphosis
• 3 Termyn Marghek Glas (1911–1914)
• 4 Dehwelans dhe Russi (1914–1921)
• 5 Bauhaus (1922–1933)
• 6 An Synthesis Meur (1934–1944)

• 
  ”An Marghek Glas”, 1903
• 
  Bewnans liwus, 1907
• 
  Amason ow marghogeth, 1911
• 
  Komposyans Niver 4, 1911
• 
  Fugue, 1914
• 
  Golokva a Murnau gans eglos, 1920
• 
  Melyn, Rudh, Glas, 1925
• 
  Lymnans melyn , 1938
• 
  Bath kovheansek, Russi 1994