Y Blew
Y Blew (An Blew) o an bagas rokk kynsa dhe gana y'n yeth Kembrek ha dyllo plasenn. Furvyes veu an bagas Pask 1967, gans pymp a studhyoryon Pennskol Kembra, Aberystwyth. Drog o gansa kana skav Kembrek a'n gis koth. I a garsa displegya ilow leun a styr dhe bobel yowynk. Aga henwyn o Maldwyn Pate (kaner), Dafydd Evans (fabordenydh), Rick Lloyd (gitarydh), Dave Williams (alhwedhellow) ha Geraint Evans (tabourer).
I a dhallathas gans keskan yn hel Talybont yn Pask 1967. May hallsens kavos an daffar rag displegya pella, res o dhedha chevisya lowr a arghans.
I eth war dorn yn kertik (henwys Y Blewfan) ha gwari dres 50 a geskanow yn eth mis. I a wrug rekordya aga unnyk plasenn Maes B an hav na.
Furvya an Bagas
golegiMaldwyn Pate a assayas furvya bagas tredanek dhe gana yn Kembrek gans kes-studhyoryon a Bennskol Aberystwyth. Hanow an bagas o ‘Y Pedwar Cainc’ - Dafydd Evans, Maldwyn Pate (eseli Y Blew warlergh henna) gans Hefin Elis (esel Edward H. Dafis a-wosa) ha Geraint Griffiths (esel a Eliffant hag Injaroc a-wosa). Unweyth yn unnyk y hwrug an bagas performya, yn Esethvos Aberafan 1966. Ny veu an goslowysi parys rag ilow rokk yn Kembrek.
An nessa bledhen ev a furvyas 'Y Blew'.
Diwedh an bagas
golegiAn bagas a wrug performya bys Nadelek 1967. An kaner Maldwyn Pate eth dhe oberi yn Evrek Nowydh avel donslynyer. Yth eth Richard Lloyd dhe vos esel bagas an Flying Pickets. I a gavas plasenn avel niver onan yn chartys Breten Veur gans ‘'Only You’’ dres Nadelik 1983.
Plasennskrif
golegiDyllansow Plasenn
golegi| Bledhen | Hanow | Label | Furv | Yeth |
|---|---|---|---|---|
| 1967 | Maes B / Beth Sy'n Dod Rhyngom Ni | Qualiton | vinyl | Kembrek |
Yma'n erthygel ma owth usya an Furv Skrifys Savonek a-barth Kernowek kres.