Yusra (hendhyskonydhes)

Yusra o benyn Balestinyades neb wrug oberi gans an hendhyskonydhes Sowsnek Dorothy Garrod yn hy howansow yn Bre Karmel, Palestin. Kyn nag yw aswonnys meur a-dro dhe’y bewnans kyns po wosa an kowansow, - nyns yw aswonnys hy hanow leun, rag ensampel – esel bosek a’n para kowans Dorothy Garrod yntra 1929 ha 1935 o hi. Yn posek, yth yw dhedhi an diskudhans Tabun 1, klopen 120,000 bloodh, yn fow Tabun yn Bre Karmel.

Yusra
Kenedhlogeth	Palestayn
Galwesigeth	hendhyskonydh
Kelmys gans	Fow Tabun

Bre Karmel ha diskudhans Tabun 1

Desevys yw bos genys Yusra yn Ijzim po Jaba’, y’n ranntir Haifa, yn Palestayn. Yn 1929, hendhyskonydhes Sowsnek Dorothy Garrod a wrug dalleth kowa ogas dhe Vre Karmel ha hi a wrug arveth oberoryon ha oberoresow leel rag gul an moyha rann a’n ober, Kyn nag o trenyans hendhyskonieth dhedha, yth esa meur a brevyans a gowansow dhedha. Yn koynt, Garrod a wre arveth meur a venenes, avel Yusra, rag oberi yn hy howansow.

Yusra a wre oberi gans Garrod yn Bre Karmel yntra 1929 ha 1935, owth oberi yn tyleryow bosek avel Tabun, El Wad, Es Skhul, Shuqba ha Kebara. Hi a wrug dos ha bos an venyn voyha skiansek owth oberi gans Garrod.

Yn 1932, owth oberi yn Fow Tabun, hi a wrug kavos dans dhyworth klopen denel. An klopen, aswonnys avel Tabun 1, o dhe Neandertal benow tevesik, neb a wrug bewa nans yw yntra 120,000 ha 50,000 bledhynnow. Deskrifys yw avel menhesen denel pur bosek.

Bewnans diwettha

Nyns yw aswonnys meur a-dro dhe vewnans Yusra wosa an kowansow Bre Karmel. Hy diskudhans a Dabun 1 a veu kevro duryadow rag godhonieth. Hwedhel Yusra yw ensampel a venyn ankevys spit dhe’y hevro ha’y ober pur bosek.