An Skrij
Ober art gans Edvard Munch yw An Skrij (norgaghek: Skrik). Munch a wrug dew liwans ha dew dhelinyans pastel ha lithograf anodho ynter 1893 ha 1910. Kyn fe Norgaghyas, ev a ros hanow almaynek Der Schrei der Natur (Skrij Natur) dhe'n ober ma.
 | |
| Ensampel a |
bagas a lymnansow, ober art  |
|---|---|
| Gwrier |
Edvard Munch |
| Label teythyek |
"Skrik" |
| Dalleth/Fondya |
1893 |
| Tyller |
Kaliforni, National Gallery of Norway |
| Synsys ynno/i |
The Scream, The Scream, The Scream, The Scream |
 | |
 Restrennow kelmys war Gemmyn Wikimedia | |
An enep y'n skeusen yw onan a'n imajys moyha aga hanow yn art. Pur bosek o an lymnans rag aweni an movyans Menegesydhel dalleth an 20ves kansvledhen.
Munch a borthas kov y vos yn-mes ow kerdhes y'n mo pan wrug golow an howl treylya an komol "liw goos". Ev a omglewas "skrij didhiwedh ow tremena dre natur". Studhyoryon re dhiskudhas bos an tyller fyord ogas dhe Oslo. I re gampollas skilys rag an ebron rudhvelyn, kepar ha tardhans loskvenydh dhe dhasoberyans brysoniethel gans Munch wosa removans y hwor dhe folji.
Yn mis Me 2012, gwerthys veu onan a'n liwansow rag £74 milvil yn strifwerth, an sommen voyha bythkweth bys dhe'n termyn na rag darn a art.
Mirva
golegi-
1893, pastel war basbord. Versyon kynsa An Skrij, hemm yw an versyon le may hwrug Munch delinya rannow essensek an komposyans. -
1893, oyl, tempera ha pastel war basbord. An kynsa versyon displegys, ha'n versyon moyha aswonnys, desedhys yw yn Mirva Kenedhlek Norgagh yn Oslo. -
1895, printyans lithograf an men lithograf. Nebes anedha a veu liwys gans Munch. -
1895, pastel war basbord. Hem o an versyon gwerthys rag US$120 milvil (£74) yn Sotheby's yn 2012. Lemmyn rann a guntel privedh Leon Black yw. -
1910, tempera war basbord. Ladrys veu an versyon ma dhyworth Gwithti Munch yn 2004, mes daskevys veu yn 2006. -
Heb dedhyas, delinyans ink. Yma'n komposyans ma, gans figur kres kres dhyworth An Skrij yn Gwithti Pennskol Bergen.
