Bronn
Rag usyansow erel, y hweller Bronn (klerheans)
 | |
| Ensampel a |
sort a organ, klass a furv korfoniethel  |
|---|---|
| Klass |
gwagren dethel, rann a'n brest, ensys korfoniethel arbennik |
| Rann a |
thorax, body, Korf, sex of humans |
 Restrennow kelmys war Gemmyn Wikimedia | |
An vronn (po diwvron) yw organ war vrest korfow tus ha primatys erel yn-dann an dhiwskodh. Yma'n korf denel dhe dhiwvron. Yma dhe ha mebyon ha mowysi diwvron pan yns dinythys, mes dres kedhorieth diwvron benenes a dyv moy ha moy gweladow. Yma gwagrennow tethel y'n dhiwvron a askow leth.
Yma dhe vebyon diwvron ynwedh. Y's teves diwvron tus an keth kesweyth ha diwvron benenes, mes dell yw usys, le yns i. Ny yll tus usya aga diwvron rag bronna, Ny askor aga diwvron leth, a-der dres nebes klevesow po wosa dyghtyans hormonow.
Tyvyans ha furv golegi
Mowysi a dhispleg diwvron dres kedhorieth drefen hormonow reydh, dre vras estrojen.
Semlant ha myns diwvron benen a wra varya herwydh elvennow genynnek ha myns gwias blonegek ha kelmus. Hormonow a wari rann ynwedh.
Estrojen a weres tevyans gwagrennow ha pibennow, ha projesteron a gaws displegyans an kellow a askow leth. Prolactin hag oksytocin a gentrynn askorrans leth. Oksytocin a gaws leth dhe frosa dhyworth bronn hag yw provya leth.
Nyns yw an dhiwvron an keth myns dell yw usys - onan a yll bos moy ages an arall - mes kemmyn yw hemma.
Dres an menopos, pan wrello nivelyow estrojen lehe, gwias y'n bronnow a leha ynwedh, ha'n bronnow a yll plegya. Studhyans a dhiskwedhas nag yw plegya kawsys gans bronna. Elvennow a yll kawsya plegya yw myns an vronn kyns an veghyegeth gynsa, niver a veghyegethow, menegva mass an korf (body mass index po BMI), megi, oos ha neb kleves ow fisegel.
Kesweyth golegi
Kres an vronn yw an dethen. An kylghennik yw kylgh byghan a-dro dhedhi. An vronn a gomprehend gwagrennow tethek. Yma dhe bub bronn 15 dhe 20 a bibennow leth. An pibennow a dreusperth an leth askorrys gans an gwagrennow dhe'n tethennow. Wosa benen dhe dhinythu, hy bronnow a dhalleth askorra leth.
Boosa leth dhe vabanes yw gelwys bronna po maga.
Porposow golegi
Bronnow benen a wari rann yn omdhegyans reydhek denel. I yw onan a'n gnasow reydh eylradh moyha apert. I a wari rann yn tennvos reydhek kesparow. Ynwedh i a re plesour dhe'n venen. Pan vons kentrynnys, myns an bronnow a voghha, patronyow an gwythi war an bronnow a dyv moy apert, ha tethennow a galesha. Dres daromres reydhek, kemmyn yw dhe waska po leuvtosa an bronnow gans an diwla. Treweythyow kosa an bronnow a hwer po kentrynna der anow. Kroghendanow dhe dava yw an bronnow drefen bos dhedha lies penn nerven. Re venenes a yll drehedhes "omdardhow (po orgasmow) bronn". Y'n lyver koth eyndek an Kama Sutra, merkya bronnow gans an ewines po bratha gans an dens yw praktis erotek.
Gallery golegi
-
Golok ogas war vronnow benen -
Benen an looth Himba yn Namibi. Kemmyn yw dhe venen bos bronn-noth yn hy gonisogeth -
Esel Femen ow protestya
|
Onan a'n mil erthygel posekka war Wikipedya yw an erthygel ma. |