Bleujen an gog

Bleujen an gog
Bleujen an gog (Hyacinthoides non-scripta)
Klassans bewoniethek
Gwlaskor:	Plantae
(anrenkys):	Angiosperms
(anrenkys):	Monocots
Urdh:	Asparagales
Teylu:	Asparagaceae
Isteylu:	Scilloideae
Kinda:	Hyacinthoides
Hanow dewhenwek
Hyacinthoides non-scripta Chouard

Plans bleujennek yw bleujen an gog, (Latin: Hyacinthoides non-scripta). Pubvledhynnyek ha krennwreydhek yw, ow bleujowa y'n gwaynten. Teythyek yw dhe Enesow Breten, Iseldiryow, Pow Belg, Breten Vyghan ha ranndiryow kledhbarth Pow Frynk.

An del ha'n bleujennow (a omdhiskwedh yn misyow Ebrel ha Me) a dhalleth a grennwreydhen. Garrow an vleujennow a's teves hirder a 10 - 30 cm, ow plegya ogas dhe'n penn. Yma shap klogh liw glas dhe'n bleujennow, gans saghow ponn melyn.

Kevys yw plansow krowsreydh gans H. hispanica, awos i dhe devi yn fenowgh yn lowarthow yn Breten. Yma preder dell alsa hemma godros an eghen deythyek bretennek. Y hyllir aswon an vleujen growsreydh der aga del ha bleujennow moy ledan, bleujennow le polserek gans saghow ponn tewlla.

Bleujyow an gog yw kemmyn yn gwedhegi kolldhel, yn arbennik yn Breten. I yw moyha sewenus war weresow nebes trenk.

Y'n Ruvaneth Unys, bleujen an gog yw eghen difresys yn-dann akt senedhek. Difennys yw remova an krennwreydh, na kenwertha krennwreydh po hasennow.

• 
  Gwedhek bleujyow an gog yn Pow Sows
• 
  Bolgh hasennow bleujen an gog
• 
  Golok ogas a'n vleujen
• 
  An bleujyow ha del