Corsica

Corsica

(Baner Corsica) (Kota arvow Corsica)
Lavar kenedhlek: nagonen
Kenedhel	Frynk
Yeth sodhogel	Frenkek ha Corsek
Penncita	Aiacciu
Brassa cita	Aiacciu
Lewydh an Conseil régional	Gilles Simeoni
Enep	8,680 km²
Poblans (2005) - Dosedh	275,000 a drigoryon 32 triger/km²
Can genedhlek	Diu vi salvi Regina
Départements	Corse-du-Sud (2A) Haute-Corse (2B)
ISO 3166-2	FR-H

Corsica (Corsek: Corsica, Frenkek: Corse) yw enys ha kenedhel y'n Mor Kres. Ma'n enys west a Itali, soth-est a Frynk ha dhe'n noor a enys Sardinya. Corsica ew onen a 27 régions Frynk, byttegyns yth yw henwys "collectivité territoriale" herwydh an laha, ha ma meur a nerthyow dhodho es regions erel.

Istori Corsica yw merkys en fros dre woreskyn. An Carthagoyon, an Grekyon coth ha'n Etruscanyon o an kensa goreskynydhyon, kens an enys dhe dhos ha bos rannvro a'n Repoblek Romanek gen Sardinya war-barth. Woja an Emperoureth Romanek dhe godha, an enys a veu goreskydnys gen an Vandalysy, an Visigoths, an Sarsyns ha'n Lombards. Repoblek Genoa a gemeras an enys en 1347, hag y rowlya rag nes dhe 500 bledhen. Woja bresel a 26 bledhen an Repoblek Corsica anserghek a veu formys en 1755, bettegens nag alja an Corsyon towlel an Genowyon mes a'n citys veur arvorek, ha Frynk a bernas an enys dhort Genoa en 1764.

Hedhyw ma tus Corsica ow keskergh rag aga gonisogeth ha tavas dhe vos diberthys, hag ow covyn rag omrowl politek po anserhogeth cowal dhort Frynk. Esedh an governans leel ew Senedh Corsica.