Demelsa Nankarrek

Gwarnyans magor: yma manylyon an darvosow po an diwedh ow sywya.

Demelsa Nankarrek yw hwedhel berr Kernewek gan an awtour. Jowann Richards. Hwedhel skrifys y'n furv a dhew dhydhlyver yw, an dhew ow leverel a-dro dhe'n hwarvedhyansow dhyworth dew boynt a vu dihevelep yn tien. Dyllys veu an hwedhel y'n kynsa le gans Kowethas an Yeth Kernewek yn 1999, mes dastyllys veu avel kuntel gans tri hwedhel aral yn 2015. Skrifys veu yn Kernewek Kemmyn.

Hwarvedhyansow an lyver a hwer dres termyn a nebes misyow yn 1809. Myrgh deg, Demelsa Nankarrek, a denn lagas Pronter Jermyn Hocken. Hi a dhiskudh lyvrow kevrin hy mamm yn kver losowieth ha fongow ha dalleth arbrevi. Ny wra taklow displegya y'n fordh dell wayt an pronter.

Chif kemeryansow

Jermyn Hocken, Pronter Penkoos an Vran
Demelsa Nankarrek, myrgh ugens bloodh
Mestres Nankarrek, hy mamm
Skwier Plas Penkoos an Vran ha'y wreg
Tommas, mab an Skwier
Mestres Gwynn, kentrevoges dhe'n teylu Nankarrek