Jowann Richards

John Willis Richards (14ves a vis Metheven 1926 – 28ns a vis Genver 2005), po Jowann Richards dell yth aswonnys pup-prys yn kernewek, o onan a'n awtours yeth kernewek an moyha askorradow yn termyn an Dasserghyans Kernewek. Ev o ynjinor, genys yn Poole, Dorset, Pow Sows, mab dhe gevarwodher-dyghtya kowethyans pannweyth. Ev eth dhe'n skol ramasek y'n keth tre: ev a servyas avel soudor 1944-47 hag a-wosa mos dhe Bennskol Southampton.

Ev eth ha bos ynjinor kymyk ha bewkymyk, Esel Fondyans Ynjinoryon Kymyk hag Ynjinor Chartrys. Bys yn y omdennans yn 1991 ev a oberas a-barth lies kowethyans kymyk ha gordhiwedh avel Ynjinor Kusulyek. A-hys bledhynnyow ev o esel Kessedhek Bewteknek an Governans.

Demedhys gans Nancy, Jowann a'n jevo mab, David ha myrgh, Gillian.

Yn Sowsnek Jowann a skrifas lies paper hag erthygel ha pymp lyver war lies testen: awgrym, kymygieth, ynjinorieth, dydghtyans teknek keffrys hag istori naturel rag fleghes.

Yn Kernewek ev a skrifas niver bras a hwedhlow, istorek, romansek, didhanus po fantasiek. Ev a wodhya Kembrek yn ta hag a redya yn ledan y'n yeth na. Yn 1986 yth eth ev ha bos bardh an Orsedh, Map Roswern y hanow bardhek, dre apposyans wosa seweni yn steus Kernewek Dre Lyther. Y tyllis ev vershyon war Yowann, Chi an Hordh yn lytherennans Kernewek Kemmyn yn 1987, ha treylyans Peder Skorenn an Mabinogion yn 1989. Y hwaynyas Richards an skala Mordon-Caradar yn 1985, 1987 ha 1993: kesstrif bardhonieth Esedhvos Kernow yn 1989 ha'n Gwrys Kernewek yn 1986. pymp pewas yn 1985-1989 ha 1993 der gesstrivansow lyennek y'n tavosow Kernewek ha Kembrek. Yn 1990 y kernewekhas ev an Rubaiyat gans Omar Khayyam. Y ferwis Jowann Richards awos shorr kolonn yn 2005. Yn Hampshire yth esa ev ow triga hwath.

Oberow lyennek

• "Ewnter Hycca ha Modryp Tamsyn" (1986) - (dhyworth Whethlow dyworth "An Kesscryfer")
• "Yowann Chi an Hordh" (1987) ISBN 0-907064-22-1 (pennskrif)
• "Gweres rag Tus Euver" (1987)- Dyllys yn Kernewek Unys yn kynsa avel Cowethlyver rag Loselwesyon ISBN 0-907064-38-8
• "Peder Skorrenn an Mabinogi" (1989) ISBN 0-907064-25-6 (treylans)
• "Deg Treveth Deg Semlant" (1989) ISBN 0-907064-28-1 (gwers)
• "Rubaiyat Omar Khayyam yn Kernewek" (1990) gans Omar Khayyám (treylyans)
• "An Arloedhes Dhison" (1991)
• "Broder Wella: Managh Pur Dha" (1991)
• "Hwedhlow Hwoer Tamsyn" (1991)
• "Mernans yn Kylgh" (1992) ISBN 1-899342-26-5
• "Blas a Vellyon" (1994)
• "An Gwiryonedh yn kever Myrdhin" (1994) ISBN 1-899342-11-7
• "Bleydhes an Nos" (1994)
• "An Romanes yn Kernow" (1994) ISBN 1-899342-06-1
• "Skol rag Boekkas Gwynn" (1994) ISBN 1-899342-12-5
• "An Sorr ha'n Own" (1995) ISBN 1-899342-13-3
• "Amos ha'n Hendra (1995) - Kevresegys yn An Gannas
• "Broder Wella a dhe Gembra" (1996) ISBN 1-899342-24-9
• "Dowr Toemm Kernow" (1997) ISBN 1-899342-27-3
• "An Gwithyas Gwynn" (1997) ISBN 1-899342-29-X
• "Hwoer Tamsin: Pella Anethow" (1997) ISBN 1-899342-22-2
• "An Teyr Gwragh a Senar" (1997) ISBN 1-899342-23-1
• "A Vo Den" (1998) ISBN 1-899342-34-6
• "Flogh mar Hager" (1998) ISBN 1-899342-35-4
• "An Anwodhvos" (1999)
• "Fell yw an Nos" (1999) ISBN 1-899342-48-6
• "Demelsa Nankarrek" (1999) ISBN 1-899342-40-1
• "Tybyans Gwenon" (2000) ISBN 1-899342-50-7
• "Spyrys an Dra" (2002) - Kevresegys yn An Gannas
• "An Kowethas Hwedhlow" (2003) - Kevresegys yn An Gannas
• "An Planet Glas" (2003) - Kevresegys yn An Gannas
• "Kevrinyow Tewal" (2003-2004) - Kevresegys yn An Gannas
• "An Hwerydh" (2004) Kevresegys yn An Gannas
• "Broder Wella" (2007) Daspryntyans a'n tri lyver Broder Wella warbarth ISBN 1-899342-57-0
• "Demelsa Nankarrek ha hwedhlow erel" (2016) Daspryntyans gans "Fell yw an Nos", "A Vo Den" hag "An Anwodhvos" ISBN 9 781899 342778.
• "An helerghyas meur" dedhyas anwodhevys - Kevresegys yn An Gannas
• "Dydhlyver Morwenna" dedhyas anwodhevys - Kevresegys yn An Gannas
• "Gwer a Gernow" dedhyas anwodhevys - Kevresegys yn An Gannas
• "Gwrians an Kledha" dedhyas anwodhevys
• "Mevan hag Yssi" dedhyas anwodhevys - Kevresegys yn An Gannas
• "Kevres Mestres Marbel" dedhyas anwodhevys - Kevresegys yn An Gannas

Porth Kernow – Tre rag folennow ha klassys Wikipedya a-dro dhe Gernow.