Elven (karrek)

Rag usyansow erel, y hweller Elven (klerheans)

Mappa sempel ow tiskwedhes batholithow ha karrygi tanek mafik Kernow

Elven yw hanow usys yn Kernow rag varyansow leel a borfiri-kanndir. Lesys yns i yn avrewlys y'n kevres a garrygi ugh-Dewnek. Re anedha a wra meyn drehevel pur dha (rag ensampel men Bentewyn, men Pollefans ha men Kataklews). Gwyrdhven yw hanow aral usys rag an garrek ma, usys yn fenowgh rag rannow a dhrehevyansow kepar ha darasow drefen y hyllir y gervya yn fin. Skwattys yw an brassa rann a vengleudhyow elven lemmyn. Erel yw mengleudhys rag grow usys dhe dhrehevel fordhow.

Dhe vos moy kewar, yma diw eghen a elven: onan yw "elven wynn" ha'n aral yw "elven las". Elvennow gwynn yw bagas a garrygi tanek felsik gans gwrysow munys. Elvennow glas po gwyrdhveyn yw karrygi tanek mafik anusadow. Kyn teu elven wynn a dylleryow dyffrans, gelwys yw 'men Bentewyn' yn fenowgh (po henwyn erel ow krog war an tyller). Usys yw yn Stret Leon, Truru.

Hendhyskomieth golegi

A-dro dhe 400 a volyow men kynsistorek, aswonnys avel bolyow Bagas 1 ha gwrys a wyrdhven, yw kevys yn pub rann a Vreten Veur. Dielvennans menoriethek a dhiskwedh i dhe dhos a Gernow west. Nyns yw an mengleudh aswonnys hwath, mes kynnigys yw may fo An Ger an tyller, karrek yn-dann nivel an mor hanter mildir dhyworth arvor Pennsans. Hemm a dhiskwedh myns posek a genwerth drefen bos kemmys a-dreus Breten Veur.

Bool gwyrdhven neolithek