Ethelwyn Angove
Skrifores Gernewek o Ethelwyn Angove. (1926 - 6 Du 2010)
Genys veu yn Pennsans yn 1926, an yowynkka a unnek flogh dhe James Henry Angove, lavuryas bargen tir yn Porthkornow, ha'y wreg Mary Hannah Warren. Yn 1953, hi a dhemedhis George A Watts (1897-1983) yn Surrey.
Hi a dheuth ha bos dyskadores skolyow kynsa, owth oberi yn skol gynsa Treyew (Truru) war dhiwedh hy resegva avel penndhyskadores. Hy gour kynsa a verwis yn 1983, ha hi a dhemedhis arta dhe Robert G (Bob) Parker (1915-1996) yn 1987. Ev re beu penndhyskador ynwedh, yn skolyow Germogh hag Eglosbrek. Ev o kaderyor konsel Keryer yn 1988-89. Bob Parker a verwis yn 1996.
Yth esa ha dhedhi ha'y gour bern yn gonisogeth Kernow, hag eseli kowethasow Kernow Goth ens i. Hi a dhallathas dyski Kernewek dre Gernewek Dre Lyther. Hi a skrifas niver a lyvrow y'n 1980ow rag fleghes yn Kernewek. Hi a veu berdhys yn 1986 dre apposyans gans an hanow bardhek Can an Mor.
Ethelwyn Parker a verwis 6 Du 2010.
Rol a lyvrow
golegi- avel Ethelwyn Watts
- How long is forever: Memories of a Cornish maid Sowsnek - Dyllansow Truran, (1982) ISBN-10 : 0907566308
- Myr Adro Y'n Pow - Kernewek Unys - Kernewek Dre Lyther (1986?).
- Myr Adro Y'n Dre - Kernewek Unys - Kernewek Dre Lyther (1986?).
- Nebes Golowyjyon an Howl - yn 'Whethlow dyworth "An Kesscryfer"' - Kernewek Unys - Kernewek Dre Lyther (1986).
- avel Ethelwyn Parker
- A.B.Ch Kernewek - warbarth ha Ray Edwards ha Nora Edwards. Kernewek Dre Lyther
- Mir A-dro Y'n Pow - Kernewek Kemmyn - Kowethas an Yeth Kernewek (1994) ISBN: 0907064353 eyldyllans
- Mir A-dro Y'n Dre - Kernewek Kemmyn - Kowethas an Yeth Kernewek (1994) ISBN: 0907064361 eyldyllans