Federico Fellini

Federico Fellini (20 mis Genver 1920 en Rimini - 31 mis Hedra 1993 en Rom) o gwrier fylmow ha kevarwodher italek. Ema fylmow Fellini ow kesunya kov, hunros ha fantasi.

Federico Fellini
Genys	20 Genver 1920  Rimini
Mernans	31 Hedra 1993  Rom
Kenedhlogeth	Itali
Alma mater	Pennskol La Sapienza
Galwesigeth	kevarwodher fylmow, skrinskrifer, skornyas, artydh bondys delinys, skrifer, kevarwodher, awtour
Aswonnys rag	La Strada, 8½, Amarcord, I Vitelloni, La Dolce Vita
Chyf delanwes	Charlie Chaplin, Pablo Picasso
Pries	Giulietta Masina
Pewasow	Praemium Imperiale, Academy Honorary Award, BAFTA Award for Best Production Design, Blue Ribbon Awards for Best Foreign Film, Bodil Awards, Palme d'Or, David di Donatello for Best Director, David di Donatello Luchino Visconti, David di Donatello for Best Original Script, David René Clair, Directors Guild of America, European Film Academy Lifetime Achievement Award, Film at Lincoln Center, French Syndicate of Cinema Critics Awards, Nastro d'Argento for the director of the best film, Nastro d'Argento for Best Screenplay, Nastro d'Argento for Best Subject, Kansas City Film Critics Circle Awards 1966, Kinema Junpo, Moscow International Film Festival awards, New York Film Critics Circle Awards, Sant Jordi Award, SESC Film Festival, Grand Jury Prize of the Venice Film Festival, Golden Lion for Lifetime Achievement, Cavaliere di Gran Croce Ordine al Merito della Repubblica Italiana, Commander of the Legion of Honour, Silver Lion
Gwiasva	http://www.federicofellini.it/
Eseleth	Akademi Art ha Godhonieth Amerika, Académie des beaux-arts

An kensa fylm kevarwodhys gen Fellini o Lo Sceicco Bianco (1951), gen Alberto Sordi, skrifys gen Michelangelo Antonioni hag Ennio Flaiano. Hag anjei ow kul an fylm ma, Fellini a vetyas Nino Rota, an vusicianores ma hwrussa y sewya rag remenat y resegva sowyn.

Fellini o demedhys dhe wariores Giulietta Masina (1921-1994) a-dhia 1943 bys dh’y vernans. En 1945, anjei a gawas mab a vewa pella diw seythen hepken. Ev o ago udnek flogh. Masina a warias en lies fylm gwres ganjo. Gwarioryon erel a oberi gen Fellini en venowgh a gomprehend Marcello Mastroianni, Alberto Sordi, hag Anita Ekberg.

A-der gul fylmow, ev a skrifas skriptow rag diskwedhyansow radyo, skrifa rag fylmow (dre vras rag Roberto Rossellini) ha gesyow rag gwarioryon a vri pekara Aldo Fabrizi. Ewedh Fellini a wrug delinyansow (dre vras, pluven blobm war baper), en venowgh portrayansow hwarthus. Y sewenyans kensa o delinya skrisellow argebmyna rag fylmow.

Dres an oos Faskorieth, avel Avanguardista (an bagas konstrinus rag mebyon yonk), y skrifow kensa o rag Alleanza Cinematografica Italiana (ACI), kowethyans askorra Vittorio Mussolini, mab Benito Mussolini, neb a’y gomendya dhe Rossellini.

En 1944, woja Faskorieth, ev a ygoras gwerthji en Rom ma feu gwerthys an delinyansow etto. Gelwys veu an gwerthji en Sowsnek, hedn ew "The Funny Face Shop", hag a gomprehendas oberow gen Fellini ha De Seta, Verdini, Camerini, Scarpelli, Majorana, Guasta, Giobbe, Attalo, Migneco (skriforyon, kevarwodhyon po skiansogyon owth oberi rag cinema italek). E’n keth bledhen ev a dallathas gweres Roberto Rossellini war an fylm Roma Città Aperta, gen Aldo Fabrizi. Fellini a'y weresas rag skrifa fylm aral: Paisà. Ev a skrifas yewedh rag kevarwodhoryon erel pekara Alberto Lattuada, Pietro Germi ha Luigi Comencini.

En 1987 ev a waynyas an Pewas Felshyp Akademi BAFTA, pewas rag kowlwriansow y vewnans. En 1993, ev a gawas Pewas Akademi (Oscar) rag kowlwriansow y vewnans.

Fylmow

• Luci del varietà (1950)
• Lo Sceicco Bianco (1951)
• I Vitellon] (1953)
• La Strada (1954) Pewas Akademi (Oscar) (an gwella fylm tramor)
• Le Notti di Cabiria (1957) Oscar (an gwella fylm tramor)
• La Dolce Vita (1960) Oscar (an gwella gwiskow)
• 8 1/2 (1963) 2 Oscar (an gwella fylm tramor, an gwella gwiskow)
• Giulietta degli Spiriti (1965)
• Satyricon (1969)
• I Clowns (1970)
• Fellini's Roma (1972)
• Amarcord (1973) Oscar (an gwella fylm tramor)
• Fellini's Casanova (1976)
• Prova d'Orchestra (1979)
• La Citta' delle Donne (1980)
• E la nave va (1983)
• Ginger and Fred (1986)
• Intervista (1987)

• 
  Gwel dhort an fylm La Dolce Vita
• 
  Fellini en Gool Fylmow Cannes en 1960
• 
  Gwel aral dhort an fylm La Dolce Vita

Onan a'n mil erthygel posekka war Wikipedya yw an erthygel ma.

Ma an erthygel ma usya an Furv Skrifys Savonek a-barth Kernowek diwedhes.