Fransis II, Duk Breten Vyghan

Duk Breten Vyghan o Fransis II (23 Metheven 1435 – 9 Gwynngala 1488). Mab o dhe Hykka a Vreten Vyghan ha Marguerite, KontesVertus. Ev o Duk Breten Vyghan ynter 1458 ha'y vernans yn 1488. Y temedhis diwweyth: an tro kynsa dhe'y gyniterow, Marget a Vreten Vyghan (1469 - 1500), myrgh dhe Fransis 1, Duk Breten Vyghan, ha'n eyl dro dhe Marget Foix (1449 - 1486) o myrgh dhe Elnour a Navarre a Spayn ha'n Myghtern, Jowan II a Aragon. Saw unn vyrgh a dreusvywas dhe vos tevesik: Anna a Vreten Vyghan, mes ev a gavas dew vab gans y gares Antoinette de Maignelais.

Fransis II, Duk Breten Vyghan
Genys 23 Metheven 1435 Edit this on Wikidata
Château de Clisson Edit this on Wikidata
Mernans 9 Gwynngala 1488 Edit this on Wikidata
Couëron Edit this on Wikidata
Kenedhlogeth Pow Frynk Edit this on Wikidata
Galwesigeth politeger Edit this on Wikidata
Tas Richard, Count of Étampes Edit this on Wikidata
Mamm Marguerite, Countess of Vertus Edit this on Wikidata
Pries Margaret of Brittany, Margaret of Foix Edit this on Wikidata
Kespar Antoinette de Maignelais Edit this on Wikidata
Fleghes Francesc I d'Avaugour, François de Dreux, Antoine de Maignelais, Françoise de Maignelais, Anna a Vreten Vyghan, Isabeau of Brittany Edit this on Wikidata
Linyeth House of Dreux Edit this on Wikidata
Bedh Duk Fransis II
Fransis II ha Marget Foix

Y vewnans o batelyow yn unn rew erbynn Louis XI, myghtern Pow Frynk. Kevys veu akordyans fest posek henwys Akordyans Chateaubriant,sinys yn 1487, a afydhyas status Breten Vyghan avel pow anserghek, mes fethys veu Fransis yn Saint-Aubin-du-Cormier. Wosa an batel ma, y kollas lower a'y diryow ha'n reyth dhe dhemedhi y fleghes dhe biw pynag a vynna, herwydh Akordyans Sablé. Yn diwla myghtern Pow Frynk, lemmyn, o an reyth dhe dhewis kespar, ha pan verwis Fransis nebes misyow awosa yn Couëron, Myghtern Pow frynk a dhewisas kespar dhe Anna. Y tewisas y vab y honan, hemm yw Charlys VIII, hag ena Louis XII.

Jasper ha Harry Tewdar golegi

Fransis II a ros skovva dhe Jasper Tewdar ha'y noy peswardhek bloodh a dheuth nebes bledhynnyow ha bos Myghtern Pow Sows. I re dhianksa a dhalghen Edward IV o nowydh kemeres Kurun Pow Sowsyn Batel Tewkesbury yn 1471. Yth assayas Edward IV, o onan a deylu Evrek, 'prena' Jasper ha Harry niver a weythyow rag gorfenna godros teylu Lancaster bys vyken. Myghtern Pow Frynk, Louis XI a res Fransis yn-dann waskas rag ri an dhew dhodho, drefen bos Jasper kenderow dhodho. Ervirans Fransis o dhe dhiberth an dhew, Jasper dhe Gastel Josellin, 25 mildir a Gwened, le mayth o bys dhe 1475, ha Harry dhe Gastel Unnek Tour (Frynkek - Château de Largoët)), yn-dann with Jean IV de Rieux.


Bleynyes gans:
Arthur III, Duk Breten Vyghan
Dugeth Vreten Vyghan
1458-1488
 
Holyes gans:
Anna a Vreten Vyghan