Grace Hopper
Grace Murray Hopper (9ves Kevardhu 1906 – 1a Genver 1992) o amontyeriether amerikan ha sodhek Morlu Statys Unys. Hi a oberi 43 bledhen gans jynnow-amontya y'n Morlu. Hi o onan a'n kynsa tus dhe oberi gans jynnow-amontya bysyel arnowydh hag onan a'n kynsa towlenner a'n reknell Harvard Mark I.
| Grace Hopper | |
|---|---|
.jpg) | |
| Genys |
Grace Brewster Murray  9 Kevardhu 1906 Evrek Nowydh |
| Mernans |
1 Genver 1992 Konteth Arlington |
| Trigva |
Evrek Nowydh |
| Kenedhlogeth |
Statys Unys |
| Alma mater |
|
| Galwesigeth |
awgrymer, sodhek an morlu, amontyoriether, dyskador pennskol, towlenner, fisegydh |
| Arvether |
|
| Aswonnys rag |
FLOW-MATIC |
| Chyf delanwes |
John Mauchly, Howard H. Aiken, Richard Courant |
| Tas |
Walter Fletcher Murray |
| Mamm |
Mary Campbell van Horne |
| Pries |
Vincent Foster Hopper |
| Eseleth |
Akademi Art ha Godhonieth Amerika, Daughters of the American Revolution, Phi Beta Kappa Society, Kowethas Amerika rag Avonsya Godhonieth |
Genys veu Hopper yn Evrek Nowydh, Statys Unys. Hi a wrug gradhya a Golji Vassar yn 1928 ha Pennskol Yale yn 1934 gans doktourieth yn awgrym. Hi o esel kevasran Golji Vassar pan dhallathas Nessa Bresel an Bys. Hi a junyas an Morlu SU yn 1943, yn despit dhe'y oos ha braster. Hi o gorrys yn Bureau of Ordnance Computation Project rag oberi gans kudynnyow towlynnow.
Hi a oberi war UNIVAC, an kynsa jynn-montya kenwerthel skeul vras. Hi a aswonnis bos possybyl rag towlennow dhe vos skrifys yn yeth ogas dhe Sowsnek. Dhe'n eur na, towlennow o skrifys yn kod jynn po yethow, avel yeth assembla, ogas dhe god jynn. Hy a dhallathas dhisplegya yeth FLOW-MATIC. FLOW-MATIC o an kynsa kompilyer yn Sowsnek.
Hy ober FLOW-MATIC a ledyas dhe'y ober war yeth COBOL (Common Business-Oriented Language [yeth kemmyn rag negys]), selys war hy thybyans a yeth towlenna ogas dhe Sowsnek. Ober Hopper a dreylyas yeth jynn-amontya dhe eryow a usyn pub dydh. Sewena vras o drefen nag o yn-dann gwiryow printya, ytho y hyllir bos usys gans lies towlenner. COBOL a dheuth ha bos an yeth ollvysel rag kodyans negys, usys yn governans, diwysyans ha kenwerth.
Wosa an vresel, jynnow-amontya o hwath meur dhe les dhedhi. Hopper a oberi orth Remington Rand ha, wosa henna, orth Sperry Corporation. Hi a besya oberi war vedhelweyth rag jynnow-amontya. Hi a omdennas a'n Morlu yn 1986 ha merwel an kynsa mis Genver, 1992.
Yma'n erthygel ma owth usya an Furv Skrifys Savonek a-barth Kernowek kres.