Gyana

Co-operative Republic of Guyana

(Baner Gyana) (Kota arvow Gyana)
Lavar kenedhlek: One People, One Nation, One Destiny
Yeth sodhogel	Sowsnek
Penncita	Georgetown
Brassa cita	Georgetown
Lewydh	David Granger
Pennmenyster	Moses Nagamootoo
Braster	214,970 km²
Poblans (2002)  Dosedh	697,181 a drigoryon 3.2 triger/km²
Anserghogeth	dhyworth an Ruvaneth Unys 26ves a vis Me, 1966
Mona kemmyn	Dollar Gyanesek
Kan genedhlek	Dear Land of Guyana, of Rivers and Plains
Koden kesrosweyth	.gy
Koden pellgowser	+592

Gyana (yn Sowsnek ha Spaynek, Guyana) yw gwlas yn Amerika Dhehow. Yma'n brassa rann a'n poblans ow triga ryb an Keynvor Iwerydh, ytho yma kevrennow krev yntra Gyana ha tiryow an Mor Karib. Bys yn 1966 yth o hi trevesigeth predennek, henwys British Guiana. Yn termyn an drevesigeth, y teuth kethow dhyworth Afrika ha gwesyon dhyworth Eynda rag ober yn bargenyow-tir sugra. Henedh an dhiw genedhel ma a wra hwath an moyha bagasow a boblans an repoblek. Y'n eur ma, Gyana a wra rann a Caricom (Kemmynieth ha Marhas Gemmyn an Mor Karib); Georgetown yw penncita an kuntelles na.

Gyana a veu anserghek a'n Ruvaneth Unys yn 1966. Yth esa an Statys Unys ha'n RU ow hwilas promovya an People's National Congress, ledyes gans Forbes Burnham ha keskolon gans an West, rag gwannhe an People's Progressive Party ledyes gans Cheddi Jagan ha kevrennys dhe'n URSS. Dyffransow politek a'n par ma yw hwerow. Dre vras yma pobel a dhevedhyans afrikan ow sodhya an PNC, ha pobel a dhevedhyans eyndek an PPP. Burnham ha'y venyster, Desmond Hoyte, a wovernyas an wlas a-dhia dermyn anserghogeth bys 1992. Ena Cheddi Jagan a dheuth Pennmenyster wosa hwegh bledhen warn ugens y'n gorthenep. Yma'n PPP ow kovernya a-dhia an termyn na yn-dann dri Fennmenyster: Cheddi Jagan, y wedhwes Janet Jagan, ha Bharrat Jagdeo.

Gyana re jallenjyas hy oryon gans Venezwela ha Surinam dres termyn hir. Yn 2007, unn jujj a erviras an disputyans gans Surinam.

Yma'n erthygel ma owth usya an Furv Skrifys Savonek a-barth Kernowek kres.