Huda Kattan

Huda Kattan (genys 2 Hedra, 1983) yw artydhes vingreft, skrolyer tekter hag aventurer amerikanek. Hi a fondyas kowethyans tremmliw 'Huda Beauty'.

Huda Kattan
Genys	2 Hedra 1983  Cita Oklahoma
Trigva	Dubai
Kenedhlogeth	Statys Unys
Alma mater	University of Michigan–Dearborn Dartmouth High School
Galwesigeth	artydh mingreft, YouTuber, omgemeryer
Ughelder	1.7 Meter
Pewasow	BBC 100 Women
Gwiasva	https://hudabeauty.com/

Bewnans a-varr

Huda a veu genys 2 Hedra, 1983, yn Cita Oklahoma, Oklahoma, onan a beswar flogh. Y teu hy herens a Irak yn hwreydhek. Awosa an teylu a removas dhe Cookeville, Tennessi, hag ena dhe Dartmouth, Massachusetts. Huda eth dhe Bennskol Michigan–Dearborn le may gradhyas yn arghansereth.

Resegva

Yn 2006, Huda a removas dhe Dubai war-barth ha'y thas drefen ev dhe receva ober avel dyskador ena. Nebes bledhynnyow awosa, Huda a removas dhe Los Angeles, may studhyas mingreft. Yn-mysk hy frenoryon o benenes meur aga hanow kepar hag Eva Longoria ha Nicole Richie. Yn Ebrel 2010, wosa kussulyans gans onan a'y hwerydh, Huda a dhallathas skrol henwys 'Huda Beauty' gensi may hwrussa postya dyskansow tremmliw ha kussul tekter warnodho.

Yn 2013, Huda a fondyas kowethyans tremmliw henwys 'Huda Beauty' maga ta. Hy askorras kynsa o kevres a vlew lagas fug gwerthys dre'n shoppys 'Sephora'. Sewena a sewyas pan veu an blew lagas gwiskys gans Kim Kardashian.

Kowethyans Huda, selys yn Dubai, a dhallathas kynnik askorasow tekter erel, ow komprehendya liwvordow liw lagas, minliwyow linyel, pyncelyow linenna min, liwvordow golowboyntya, tremmliw fondya ha kudha ha liw lagas linyel.

Huda dheuth ha bos meur-gerys war Instagram, gans moy ages 47 milvil a holyoryon erbynn 2020. Hi yw renkys #1 war an "Rol Rych a Dhelanwesoryon Instagram", ow tendyl $18,000 rag pub post. Deskrifys veu Huda avel "Kim Kardashian West a'n erbysieth delanwesor tekter". Dewisys veu avel onan a'n "25 person moyha awedhyansek der an Kesrosweyth" gan an paper-termyn 'Time' yn 2017.

Yn 2018, Huda a dhallathas kemeres rann yn hy hevres gwirvos gwreydhek Facebook Watch henwys Huda Boss, war-barth hy theulu.

Yn 2021, Huda a gemeras rann yn kaskyrgh dhe brovia boos ha ri milvil kon der hy howethyans tremmliw Huda Beauty.

Cherita ha protestya

Der hy brand, Huda Beauty, Kattan re gemeras rann yn niver a gaskyrghow. Yn Metheven 2020, Kattan a leveris y hwre Huda Beauty argevri $500,000 dollar dhe arghas adhyskansel ha ha defens laghel NAACP.

Yn 2021, Huda Kattan ha Huda Beauty a dhallathas petisyon rag ynia brandow tekter dhe leverel pan vo skeusen po gwydhyow golegys po amendys, rag gweres chanjya savonow tekter media socyal "gwenonek". Ynwedh hi re skoodhyas an gemeneth asi-amerikanek, Médecins Sans Frontières (Medhogyon heb Oryon) ha 100 Million Meals. Kattan re usyas hy media socyal dhe leverel a-dro dhe dhyberghennansow yniys yn Palestayn. Yn Me 2021, Kattan ha'y howethyans, Huda Beauty a ros $100,000 dollar rag gweres Help India Breathe, aluseneth rag gweres COVID-19 lonchys gans managh agynsow Jay Shetty ha'y wrek, Radhika Devlukia-Shetty.

Bewnans personel

Ha hi yn skol ughel, Huda a vetyas hy gour, Christopher Goncalo, a dhevedhyans amerikanek-kolumbianek. An kopel a vovyas dhe Dubai yn 2006, demedhi yn Metheven 2009. Aga flogh kynsa, Nour Gisele, a dheuth yn 2011. Onan a hwerydh Huda yw hy hespar negys, Mona, hag onan aral, Alya, a wra dyghtya hy media socyal.