Hyns-Horn Ethen Lannstefan

Hyns-horn kledhrennow kul 1 tros-hys 11 1/2 meusva (597 mm) yw an Hyns-Horn Ethen Lannstefan (Sowsnek: Launceston Steam Railway) a ober dhyworth an dre Lannstefan yn Kernow. Byldyes yw an hyns-horn war weli-kledhren an Hyns-Horn Kernow North hag ev a bon rag 2 1/2 mildir dhe Velinnowyth, ple'ma park godrev.

Istori

Hyns-horn Geyj Savonek

An kensa hyns-horn dhe dhrehedhes Lannstefan veu an Hyns-Horn Lanstefann ha Dewnans Soth a ygeris yn 1865 dhyworth Lannstefan dhe Aberplymm, wosa henna denys veu an hyns-horn yn Hyns-Horn an West Bras. An Hyns-Horn Loundres ha Soth West a ygeris y hyns-horn dhyworth Dibarthva Halwill, ystyn dhe Lannwedhenek yn rannow y'n 1890ow, ha wosa henna rann an Hyns-Horn Soth. Orth aga amal veu an dhew worsav Lannstefan: Gorsav HaWB a dhegeas yn 1962 ha gorsav an HS yn 1966.

Gorsav Lannstefan an hyns-horn kledhrennow kul.

Hyns-Horn Kledhrennow Kul

Yn 1965, Nigel Bowman a sawyas an lokomotyv-ethen "Lilian" dhyworth Mengleudh Leghen an Penrhyn yn Kembra North hag hy daswul dh'y ji yn Surrey. Wosa henna, ev a dhalathas ow hwilas le dhe vyldya hyns-horn dhe oberi y lokomotyv hag ev a wrug dewis Lannstefan yn 1971, wosa ow tybi a-dro dhe rann an weli-kledhren dhyworth Guildford dhe Horsham ha'n Hyns-Horn Lyton & Barnstaple. Prenas an weli-kledhren a dhuryas lower a vledhennow ha'n kensa rann a ygeris Dy'gol Stefan 1983. Ystynys o an hyns-horn yn rannow, yth esa'n ygeryans diwettha dhe Velinnowyth yn 1995 ow tri an hyns-horn dh'y hys kesres a 2 1/2 mildir.

Lokomotyvyow

Oberys gans lokomotyv-ethen yw pub tren poblek, mes devnydhys yw an lokomotyvyow-motor rag hwel mentons.

Lokomotyv-ethen "Lilian".

Lokomotyvyow-ethen

Niver	Hanow	Bylder	Eghen	Niver Hwel	Byldyes	Dallathvos	Merkyansow
	Lilian	Hunslet	0-4-0 TD	317	1883	Mengleudh Penrhyn	Boyler nowydh desedhys yn 1993 ha tender addyes yn 2008.
	Covertcoat	Hunslet	0-4-0 TD	679	1898	Mengleudh Dinorwik	Kab ha tender addyes dhe Lannstefan.
	Velinheli	Hunslet	0-4-0 TD	409	1886	Mengleudh Dinorwik	Piwys yn privedh gans James Evans, ex-Hyns-Horn Nans Enni.
	Dorothea	Hunslet	0-4-0 TD	763	1901	Mengleudh Dorothea	Gwithys dre 22 bledhen gans Kay Bowman, kensa ethenyans yn mis Du 2011 hag entra servis yn 2012.
89	Perseverance	C. Parmenter	2w-2TBP^[1] 0-2-2TBP		2004		Byldyes war jassis Hudson.

Lokomotyvyow-motor

Niver	Bylder	Eghen	Niver Hwel	Byldyes	Dallathvos	Merkyansow
38	English Electric	2w-2-2-2wRE	761	1930	Hyns-Horn an Sodhva Bost	Displegyes yn gwithti.
42	English Electric	2w-2-2-2wRE		1930	Hyns-Horn an Sodhva Bost	Dhe vos eylvyldyes avel bogi-power kledhrengarr.
	Motor Rail	4wDM	5646	1933	Grove Heath, Ripley, Surrey
	N. Bowman	4wBER		1986		Trolli Hwithrans
	Launceston SR	4wDER		2004		Trolli Hwithrans

Kochys ha karvenow

Yma peswar koch dhe'n hyns-horn. Bylydes dhe Lannstefan o pub unn. Yma lower a garvenow boks, legh ha karvenow a omhwel.

Towlow

Towl termyn hir yw rag an hyns-horn dhe ystyn gan diw vildir dhe'n wig Egloskeri, owth ynkorfora hyns-dewrosa nowydh.