Hyns-Horn Kernow North

An Hyns-horn Kernow North o linen hyns-horn a bonyas a-dhyworth Halwill yn Dewnens dhe Lannwedhenek yn Kernow dres Lannstefan, Ryskammel ha Ponsrys, pelder a 49 mildir 67 chaynys (80.21km).

Istori

Mappa a worsavow an Hyns-horn Kernow North (yn Sownsek).

Byldyans

Ygerys veu an hyns-horn gans an Hyns-horn Loundres ha Soth West (HLSW) rag dhe wul karyans havysi dhe Gernow. Byldyans a dhalathas war 20ves mis Metheven 1884 dhe Halwill ha dos dhe Lannstefan yn 1886 gans an kensa trenow poblek ow talleth yn mis Gwynngala an unn vledhen. An linen a ygeris dhe Ryskammel ha Delyow Boll yn 1893 ha drehedhes dhe Fordh Porthysek yn 1894, mes nyns esa gonisyow bys ygerans an linen dhe Bonsrys yn 1895. An linen finek dhe Lannwedhenek a ygeris yn 1899 wosa problemys ow kavos tir.

Oberyansow bys 1948

Yn 1922, rann vrassa a hensi-horn Breten veu kesunyes dhe wul peswar kompani. Yn junyans a wrians an Hyns-horn Soth, an HKN veu denys gans an HLSW. An HKN a stoppyas owth eksistya avel kompani y honan yn 1923.

Gonisyow an hyns-horn a besyas yn normal yn-dann oberyans an HS ha res o dhe nebes an loups passya bos ystynys dhe alowa rag an trenow havysi esa ow mos ha bos hirra. Penndhevedhyans a wober rag an linen veu an trenow havysi. Nyns esa lower a drenow gwara, mes yth esens i a lies sort. Yth esa legh dhyworth Delyow Boll, konines dhyworth Ryskammel ha puskes dhyworth Lannwedhenek. Y fia govenek rag traffik ammethek, mes ny dheuth hemma.

Yth esa lower a draffik lu, trethysi ha gwara, war an linen dres Nessa Bell an Bys, res o dhe'n hyns-horn provia an Selva Ayr yn Pluwdhewi hag yth esa junyans fisegel gans Hyns-horn an West Bras yn Lannstefan rag an kensa gweyth.

Oberyansow wosa 1948

Kenedhlegans

Gorsav Ryskammel yn 1971.

Pons a dreus Heylyn Nansfenten war an fordh dhe Lannwedhenek. Rann an Hyns Kammel yw an pons y'n jydh hedhyw.

An Hyns-horn Kernow North veu kesunyes yn Hensi-Horn Breten yn 1948. Yntra 1950 ha 1964, an HKN veu treusworrys yntra Powyow Soth ha West an HB bys owth eriva yn dewdhorn an Pow West ha bysi lowr veu an hyns-horn gans trenow havysi dres an 1950ow.

Yn 1965, pub lokomotyv ha gonis ethen veu asleys gans unn karr-kledhren disel. Nyns esa saw tri po pesawr gonis pub tydh ha nyns esa gonisyow dydhyow Sul.

Degeans

An linen yntra Dibarthva Meldon ha Ponsrys a wrug degea yn mis Hedra 1966 hag an linen yntra Ponsrys ha Lannwedhenek yn mis Genver 1967.

Y'n jydh hedhyw

Deges yw an hyns-horn hwath, mes rann verr re eylygeris yntra Lannstefan ha Melinnowyth avel an Hyns-horn Ethen Lannstefan.

An gweli-kledhren yntra Ponsrys ha Lannwedhenek re beu komprehendyes y'n Hyns Kammel, hyns-dewrosa a hol hyns an Hyns-horn Bosvena ha Ponsrys ha'n HKN.

Kevrennow

http://www.northcornwallrailway.co.uk/ (Gwiasva a-dro dhe'n HKN, yn Sowsnek)