Hyns-horn Lynn Padarn

Hyns-horn Lynn Padarn (Kembrek: Rheilffordd Llyn Padarn, Sowsnek: Llanberis Lake Railway) yw hyns-horn kledhrennow kul war lergh 1'11½" (597 mm) a bon dres 2.5 mildir (4 km) a-hys glann est Lynn Padarn yn Eryri, Gwynedd.

Istori

Istori avel Hyns-horn Padarn

An hyns-horn a hol rann an Hyns-horn Padarn koth, hyns-horn 4' 0" o byldyes yn 1842 dhe garya legh dhyworth an Mengleudh Dinorwik dhe'n Velinhyli. An Hyns-horn Padarn veu degeys an 3sa Mis Du 1961. Lyftyes veu an hyns-horn yntra Mis Me 1962 ha Mis Hwevror 1963.

Dasserghyans

Hweljiow an Mengleudh Dinorwik dhe Gilfach Ddu. Hwelji ha krow jynn an hyns-horn yw yn rann an drehevyans-ma hwath.

Kensa towl an hyns-horn dhe eylygeri o gwrys gans den leel G. Ward a brofyas hyns-horn a gylghya Lynn Padarn ow tevnydhya gweliow kledhren an hyns-horn Padarn ha skorren Lannberis koth Kledhrennow Bretennek. An towl re venja devnydhya kerri dhyworth an Mengleudh Legh Dinorwik, mes ny eth an towl yn-rag.

Mis Gortheren 1966 A. Lowry Porter a brofyas hyns-horn berra dhe bonya dhyworth hwelji an mengleudh dhe Gilfach Ddu ogas dhe Lannberis dhe Bennlynn, a-hys gweli kledhrennow mogha est an Hyns-horn Padarn. An mengleudh veu degeys Mis Gortheren 1969 ha hweljiow an mengeludh veu prenys gans Konsel Konteth Gwynedd gans an mynnas a vyldya park gwlasek.

Yma tren ow mos dhe worsav Lannberis.

An kompani hyns-horn Lowry Porter a brenas tri jynn-ethen hag unn jynn-disel rag an hyns-horn lynn. Mis Metheven 1970 konsel an gonteth a brenas gweli kledhrennow an Hyns-horn Padarn hag agria dh'y dhevnydh rag an hyns-horn lynn.

Devnydhyes veu an jynn-disel Ruston dhe bottya lergh. Y'n kettermyn yth esa an kensa jynn-ethen, Dolbadarn, daskorys rag oberans. Res o dhe'n kompani eylgeyjya lower a'y gerri awos bos geyj nowydh an hyns-horn 1' 11½" (597 mm) yn le geyj koynt an mengleudhyow a 1' 10¾" (578 mm). An kompani a vyldyas kochow bogi nowydh, mes yth esa lower a broblemmow gansa.

Ygeryans an hyns-horn nowydh

Ygerys o an hyns-horn an 28ves Mis Me 1971, mes awos bos res dhe'n kompani eyldhesinya an kochow ny dhalathas an kensa trenow poblek bys an 19ves Mis Gortheren 1971. An hyns-horn a ystynnas dh'y bennworsav a-lemmyn dhe Bennlynn yn gwav 1971.

Ystynnans Lannberis

An gorsav nowydh dhe Lannberis.

Mis Methevin 2003 an hyns-horn a wrug ystyn dhe dre Lannberis gans gorsav nowydh ogas dhe worsav Hyns-horn Menydh an Oodhva. Yma'n pennworsav dhe Gilfach Ddu ha derworsav lemmyn rag an Gwithti Kenedhlek Legh ha Kastell Dolbadarn.

Oberansow

An hyns-horn a dhevnydh tri jynn-ethen (mirowgh orth "Jynnow" a-is) dhyworth an Mengleudh Dinorwik. Yma nebes jynnow-disel war an hyns-horn hwath, devnydhyes yns i rag hweldrenow ha pan nyns eus an jynnow-ethen kavadow.

Jynnow

Niver	Hanow	Byldyor	Ehen	Hwelniver	Dedhyas	Merkyansow
1	Elidir	Hunslet	0-4-0 Diberdank	493	1889	Byldyes rag an Mengleudh Dinorwik; henwelys Enid y'n dalleth ha Red Damsel diwettha.
2	Thomas Bach	Hunslet	0-4-0 Diberdank	894	1904	Byldyes rag an Mengleudh Dinorwik; henwys Wild Aster y'n dalleth.
3	Dolbadarn	Hunslet	0-4-0 Diberdank	1430	1922	Byldyes rag an Mengleudh Dinorwik.
3	Maid Marian	Hunslet	0-4-0 Diberdank	822	1903	Byldyes rag an Mengleudh Dinorwik. Trigys war an Hyns-horn Lynn Padarn yntra 1972 ha 1975. Ev a ober war an Hyns-horn Lynn Bala lemmyn.
7	Topsy	Ruston Hornsby	4wDM	441427	1961	Byldyes rag an Lowva Bestwood.
8	Twll Coed	Ruston Hornsby	4wDM	268878	1952	A oberas war an Hyns-horn Lodge Hill hag Upnor
11	Garrett	Ruston Hornsby	4wDM	198286	1939
12	Llanelli	Ruston Hornsby	4wDM	451901	1961

Dolbadarn dhe Cei Llydan.
Elidir war an ystynnans yntra Lannberis ha Gilfach Ddu.
Thomas Bach dhe Gilfach Ddu.