Hyns-horn Padarn

Yth esa'n Hyns-horn Padarn hyns-horn kledhrennow kul yn Gwynedd, Kembra. Devnydhyes o rag an karyans a legh dhyworth an Mengleudh Dinorwik ogas dhe Lannberis dhe'n porth y'n Velinhyli. An hyns-horn a bonyas dhyworth hweljiow an mengleudh dhe Gilfach Ddu ha devnydhya kledhrennow a'n geyj 4' 0" (1,219 mm).

Mappa a'n Hyns-horn Padarn.

Istori

Krow jynn an hyns-horn dhe Benscoins yn 2005.

An hyns-horn a ygeris avel hyns-tram a dhevnydhyas mergh dhe denna an wagonow yn 1824. Y hwrug ev mos ha bos hyns-horn yn 1843 gans an komendyans a jynnow-ethen, yth esa va an kensa hyns-horn mengleudh dhe dhevnydhya jynnow-ethen.

An hyns-horn a dhegeas yn 1961 ha lyftyes o an kledhrennow yntra mis Me 1962 ha mis Hwevror 1963. Rann an hyns-horn o eylygerys yn 1971 avel an Hyns-horn Lynn Padarn a bon a-hys glann Lynn Padarn.

Wagonow Karyans

Nas goynt an hyns-horn o'y wagonow karyans. An kerri-ma o wagonow plat 4' 0" (1,219 mm) geyj gans dew lergh kettuel 1' 10 ¾" (578 mm) warnedhans i. Kargyes war an wagonow karyans o wagonow legh kargys a'n geyj 1' 10 ¾" (578 mm) o devnydhyes war hyns-horn pervedhek an mengleudh. Y hwylli pub wagon karyans karya peswar wagon legh dhe Borth Dinorwik y'n Velinhyli, le mayth yth esens i diskargyes dre blen-golder 2 dros-hys (610 mm) a ledyas dhe'n porth.

Jynnow an hyns-horn

Hanow	Byldyor	Ehen	Dedhyas	Hwelniver	Merkyansow
Fire Queen	Horlock and Company	0-4-0 tender	1848		Dennys yn-mes yn 1886, gwithys dhe'n Gwithti Hyns-horn Kastell Penrhyn dhe Gastell Penrhyn
Jenny Lind	Horlock and Company	0-4-0 tender	1848		Dennys yn-mes y'n 1880ow, skrappyes.
Dinorwic	Hunslet	0-6-0T	1882	302	Skrappyes yn 1963
Pandora	Hunslet	0-6-0T	1886	410	Eylhenwelys Amalthea yn 1909. Skrappyes 1963
Velinheli	Hunslet	0-6-0T	1895	631	Didaklys rag ewnans meur yn 1953, rann vrassa a'y rannow skrappyes yn 1963
Hardy	Hardy Motors Ltd.	4wPM	1925	954	Skrappyes yn 1963

Galeri a'n Hyns-horn Padarn

• 
  Hanowblat Fire Queen.
• 
  Byldyorblat Fire Queen.
• 
  Troosbons a-ugh an Hyns-horn Padarn yn 2007.
• 
  Remnantow an jynn-ethen, Velinheli, dhe'n Gwithti Kenedhlek Legh dhe Gilfach Ddu yn 2013.